Даслаць навіну
Знайсці
15.05.2019 / 13:41

З'явіўся слоўнічак-размалёўка для дашкольнікаў па беларускай мове

Дзіцячы слоўнічак-размалёўка для першакласнікаў і дашкольнікаў дапаможа паспяхова справіцца з вучэбнай праграмай па беларускай мове. Гэта не звычайны слоўнік — гэта рабочы сшытак для малянят, дзе можна тварыць і вучыцца адначасова.

Павялічыць выяву

Ужо цяпер бацькі, якім важна зрабіць для дзіцяці працэс навучання ў школе камфортным, могуць замовіць слоўнік праз краўдфандынгавую платформу Ulej.

Чаму бацькам варта звярнуць на гэта ўвагу?

Цяперашнія падручнікі прыдатныя для дзяцей, якія чуюць беларускую мову да таго, як прыходзяць ў школу. Але часам гэта не так, а значыць, не абысціся без метадычных матэрыялаў. Задача слоўнічка — даць дзецям інструмент для навучання, адаптаваны пад іх узрост. Большасці першакласнікаў 6 гадоў, ім прасцей за ўсё развівацца ў фармаце гульні, таму ў слоўніку ёсць малюнкі для размалёўвання.

Слоўнік разбіты на раздзелы, якія адпавядаюць падручніку па беларускай мове для першага класа. Словы напісаныя буйным вясёлым шрыфтам.

«Я нарадзілася і вырасла ў Казахстане, таму мне было вельмі складана дапамагчы дзіцяці з беларускай мовай. Размаўляючы з іншымі бацькамі, я зразумела, што гэта агульная праблема — вельмі цяжка дапамагаць дзіцяці вывучаць беларускую мову, калі сам на ёй не размаўляеш. Слоўнічак дапамагае справіцца з гэтай сітуацыяй», — распавядае стваральніца слоўнічка Вольга Завізіённая.

Слоўнічак друкуецца на тоўстай паперы, таму яго можна размалёўваць фламастармі, не баючыся сапсаваць іншыя старонкі. Аб’ём — 70 старонак, памер — 16х22 см. Такую кнігу зручна браць з сабой ці насіць у партфелі. Кошт — 7 рублёў.

Падрабязную інфармацыю пра слоўнічак і ўмовы замовы можна знайсці тут

Nina.nn.by

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31