Даслаць навіну
Знайсці
14.05.2019 / 16:49 12

«Воля, прадавай кватэру і з'язджай з гэтага горада»: што было ў перадсмяротнай запісцы смаргонскага памежніка

Павялічыць выяву

Памежнік кантрактнай службы Мікалай Гудзіма засіліўся ў ноч на 12 мая, ён служыў кіроўцам у Смаргонскай памежнай групе, паведамляе Радыё Свабода.

Першым пра гэта паведаміў у сваім тэлеграм-канале блогер Nexta. Пазней здарэнне пацвердзіў Памежны камітэт.

Прапаршчыку Мікалаю Гудзіму было 33 гады. У яго засталіся жонка, двое дзяцей, бацькі.

Як расказаў стрыечны брат нябожчыка Юрый, 11 мая Мікалай быў на дні народзінаў сваёй хрэсніцы ў Смаргоні. Пасля свята яны паехалі начаваць у бацькоўскі дом у Солах Смаргонскага раёна. Раніцай цела мужчыны ў гаспадарчай прыбудове знайшоў бацька.

Аб прычынах смерці сваяк не бярэцца казаць і не ведае, ці яна неяк звязаная са службай.

Вядома, што перад смерцю Гудзіма пакінуў запіску.

«Люблю жонку, дзяцей. Гэта нейкія сурокі. Воля [жонка загінулага — РС], прадавай кватэру і з'язджай з гэтага горада. Мама, тата, дзякуй за ўсё», — па памяці пераказвае апошнія словы нябожчыка Юрый.

Юрый кажа, што і бацька Мікалая казаў, нібыта яму падкідвалі лялек, якія наводзяць чары.

Сям’я Гудзімаў, па словах брата, была добрай, заможнай, Мікалай алкаголем не злоўжываў. Яны нядаўна набылі кватэру ў Смаргоні. Жонка таксама служыць у Смаргонскай памежнай групе.

Пахаванне адбудзецца 14 мая ў вёсцы Солы Смаргонскага раёна.

Афіцыйны прадстаўнік Дзяржаўнага памежнага камітэту Антон Бычкоўскі пацвердзіў Радыё Свабода, што сапраўды 12 мая ў 6.30 раніцы па месцы жыхарства бацькоў было знойдзена цела вайскоўца-кантрактніка Мікалая Гудзімы.

«Прапаршчык Мікалай Гудзіма па службе характарызуецца станоўча. Паводле папярэдняй інфармацыі, гэта суіцыд, не звязаны са службовай дзейнасцю прапаршчыка. Працуе следчая аператыўная група, якая высвятляе прычыны і абставіны трагедыі. Іншых падрабязнасцяў пакуль паведаміць не можам. Дзяржаўны памежны камітэт выказвае свае спачуванні сям’і і аказвае дапамогу», — паведаміў палкоўнік Антон Бычкоўскі.

Пакуль сцвярджаецца, што суіцыд не звязаны са службовай дзейнасцю.

Радыё Свабода

8
Василиса / адказаць
14.05.2019 / 22:32
Рэд., Светлы Розум - гэта Бог , Ахрыман - гэта сатанист.Так табе не падабаецца напамин пра Бога.
2
Василиса / адказаць
14.05.2019 / 22:35
Чебаркуль, Оля- это по русски , а Воля -па беларуску.
2
VNX / адказаць
16.05.2019 / 01:29
Компетентные люди рассказывали, что там (на границе) не ад, а Адище. У новичка только два пути. Или влиться в дружный "коллектив" или тебя подставят. И очень серьёзно. По сути искалечат, сломают жизнь. И сами коллеги будут свидетелями, которые "замечали и раньше", "не одобряли", "пытались уговорить".  Так что из пагранцов большинство уходят через пару тройку лет. Не выдерживают. А во-вторых они уже себя и семью обеспечили и очень прилично. И да... речь конечно про каналы поставки контрабанды. Может не везде так, но...
 зы Что случилось в данном случае может быть загадкой только для тех кто не в курсе того чем живет и цветет граница.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31