Даслаць навіну
Знайсці
13.05.2019 / 17:22 41

Падрабязнасці жорсткага забойства ў Віцебску: парачка закапала жанчыну жыўцом, бо хацела здаваць яе кватэру

14 мая ў Віцебску пачнецца судовае пасяджэнне па справе аб жорсткім забойстве маладой дзяўчыны.

24 верасня сябры запрасілі на пікнік 28-гадовую жыхарку Віцебска Святлану Рогаву. За горадам жанчыну забілі рыдлёўкай і закапалі пад дрэвам. Як пазней высветліць следства, закопвалі жанчыну, калі яна была яшчэ жывой.

Павялічыць выяву

Святлана Рогава, фота з сацсетак

Працэс будзе закрытым, але «Наша Ніва» даведалася дэталі гісторыі. 

У забойстве вінавацяць дваіх чалавек: 21-гадовага Руслана Сысоева і 24-гадовую Марту Казарыну.

Павялічыць выяву

Руслан Сысоеў, фота з сацсетак

Ім інкрымінуюць забойства, якое здзейсніла група асоб.

Сысоеву пагражае расстрэл. Жанчынам смяротнае пакаранне ў Беларусі не прысуджаюць, таму максімум, які можа чакаць Казарыну, — 25 гадоў калоніі.

Павялічыць выяву

Марта Казарына, фота з сацсетак

Дарэчы, Руслана Сысоева, акрамя забойства, вінавацяць яшчэ і ў рабаўніцтве, крадзяжы з пранікненнем у жыллё, злосным хуліганстве і распаўсюдзе парнаграфіі.

Акрамя забойцаў, абвінавачанымі па справе праходзяць яшчэ двое: Павел С. і Наталля Я. Абаім па 23 гады.

Яны на волі, пад падпіскай аб нявыездзе. І Паўла, і Наталлю вінавацяць у злосным хуліганстве, акрамя таго, Наталлі прад’яўлена абвінавачванне ў распаўсюдзе порна.

Наталля — стрыечная сястра Сысоева. Павел — знаёмы знаёмага. Сам Павел сцвярджае, што не ведае іншых абвінавачаных, а ў кватэру забітай Рогавай трапіў выпадкова. Маўляў, быў разам з сябрам, сустрэлі Руслана Сысоева. Той запрасіў іх на кватэру да знаёмай, каб выпіць. Яны пагадзіліся.

Уся гэтая кампанія выпівала на кватэры Рогавай на працягу некалькіх дзён. Скончылася ўсё жорсткім забойствам Святланы.

«Закапалі яшчэ жывога чалавека»

24 верасня 2018 года ў міліцыю прыйшла 24-гадовая дзяўчына і распавяла, што ў дачыненні да яе знаёмай здзейснена злачынства. Інфармацыю праверылі, і ў лесе на тэрыторыі Лёзненскага раёна міліцыя знайшла цела закапанай у зямлю жанчыны. Гэта і была Святлана Рогава.

Па дадзеных следства, у кватэры забітай за некалькі дзён да злачынства сабралася кампанія моладзі, якая выпівала і перыядычна здзекавалася з гаспадыні.

У адзін з дзён гэтага загулу ў Руслана Сысоева і яго сяброўкі Марты Казарынай з'явілася ідэя «пазбавіцца» ад знаёмай, каб завалодаць яе жыллём. Парачка вырашыла, што двухпакаёўку Рогавай будуць здаваць на суткі.

Руслан і Марта купілі рыдлёўку і запрасілі п’яную Святлану паехаць на адпачынак на прыроду.

Рушылі ў Лёзненскі раён.

Да адной з вёсак кампанія дабралася на таксі, а ў лес пайшлі пехатой. Там яны выпілі, пасля чаго ахвяру некалькі разоў ударылі рыдлёўкай і закапалі.

Павялічыць выяву

Пазней экспертыза вызначыць, што смерць пацярпелай наступіла «ў выніку камбінаванай механічнай асфіксіі ад здушэння грудзей і жывата, закрыцця носа і рота зямлёй». Гэта значыць, у зямлю закапалі яшчэ жывога чалавека. Забойства адбылося ўвечары 18 верасня.

Пасля гэтага Руслан і Марта выклалі ў інтэрнэт аб'яву аб здачы ў арэнду кватэры Святланы.

«Светка, хочаш пахмяліцца?»

Пачалося ўсё банальна — за пару дзён да трагедыі да Святланы завітала суседка, Наталля Я. На той момант Наталля нідзе не працавала, даглядала дзіця, якраз заканчваўся дэкрэт.

«Я зайшла да Святланы: мы суседзі, калісьці ў дзяцінстве падтрымлівалі зносіны, пасля спынілі.

Рогава выпівала, здаецца. Мы пачалі піць разам. Рогава спыталася, ці маю я нейкіх знаёмых, якія могуць прывезці яшчэ алкаголь. Ну, я пазваніла свайму стрыечнаму брату Руслану, — распавядае Наталля. — Здаецца, спачатку ён адзін прыехаў. Пасля кудысьці выходзіў і вярнуўся з двума сябрамі».

Адзін з тых сяброў і быў Павел С. Другі, Улад, цяпер праходзіць па справе як сведка.

«Пачалі ўсе выпіваць, — кажа Наталля. — Былі там дзень ці два, я не памятаю».

Падчас алкамарафону да кампаніі далучылася яшчэ адна дзяўчына, Марта Казарына. Яе «падчапіў» Сысоеў, калі хадзіў на запраўку па алкаголь на другі дзень.

«Марту ніхто з нас добра не ведаў, пазнаёміліся падчас п’янкі, — кажа Наталля. — Я чула пасля, што Марта працавала на «Марка». Была аматаркай выпіць, кажуць, магла праз гэта і на працу не выйсці».

Кампанія піла яшчэ дзень ці два за грошы Руслана і Марты. Затым усе разышліся.

«17 верасня да мяне прыехаў Руслан з тым Уладам. Прывезлі піва. На пляцоўцы грукнулі Рогавай у дзверы, яна выйшла. У яе спыталі: «Светка, хочаш пахмяліцца?» Яна адказала: так, заходзьце.

Мы зайшлі да яе ўтраіх. Пасля Улад з’ехаў ноччу. А Руслан вызваніў Марту, — узгадвае Наталля. — Марта прыехала. Мы адпачывалі да 5-й ці 6-й гадзіны раніцы. Пасля я лягла паспаць пару гадзін. Калі прачнулася, спіртное яшчэ было, але я адмовілася выпіваць — маёй маме трэ было ісці да доктара, а мне даглядаць дзіцё. Каля апоўдня я пайшла дадому»

Калі Наталля сыходзіла, у Руслана і кампаніі не было цыгарэт, яны збіраліся ісці ў краму.

Ёсць версія, што Руслан і Марта закрылі п’яную Святлану Рогаву ў яе ж кватэры, а самі пайшлі не толькі па цыгарэты, а яшчэ і па пальчаткі ў аптэку. То бок яны дамовіліся забіць Святлану яшчэ напярэдадні.

«Нават меў рахунак у банку»

Двухпакаёвую кватэру Руслан і Марта збіраліся здаваць на суткі.

«Кватэра была ў адносна нармальным стане… Але там пастаянна хтосьці збіраўся, — кажа Наталля. — Была такая…. Ну прытон».

Спачатку міліцыя праверыла Руслана з Мартай. Знайшлі рыдлёўку, правялі экспертызу — высветлілі, што менавіта гэтым інструментам закапалі Святлану.

Пасля міліцыянты прыйшлі і да астатніх удзельнікаў п’янкі. Па словах Наталлі, так яна і даведалася пра ўчынак стрыечнага брата — ад міліцыі.

Але што падштурхнула яе сваяка і яго новую сяброўку на такі крок, Наталля сказаць не можа.

«Руслан быў вельмі спакойным чалавекам. З алкаголем праблем не меў. Неўзабаве перад тым забойствам ён разышоўся з жонкай — можа, тое паўплывала, што ён пачаў выпіваць? — разважае Наталля. — Раней Руслан працаваў на дрэваапрацоўчым заводзе рабочым, але пасля сам звольніўся, бо знайшоў працу, дзе больш плацілі, здаецца, нейкім маляром. Атрымаў заробак, быў задаволены».

Руслан — адзінае дзіця ў звычайнай сям’і. Бацькі зарабляюць няшмат: мама на пенсіі, тата — электрык.

Але Наталля кажа, што малаверагодна, каб у брата былі настолькі сур’ёзныя праблемы з грашыма, каб забіваць чалавека.

«Ён нават меў рахунак у банку: здаецца, 350 рублёў там было. Мала, але ў мяне і такога няма. Таму я не думаю, што тут прычынай сталі менавіта грошы, — кажа Наталля. — Гэту гісторыю немагчыма патлумачыць. У нас уся сям’я ў шоку.

Мама Руслана вельмі цяжка гэта ўсё перажывае. Калі тэлефануеш, яна пастаянна плача. З’явіліся праблемы з сэрцам.

Я не магу сказаць, чыя гэта была ідэя: Руслана ці Марты. Але ад брата я ніколі не чакала такога ўчынку».

«Сфатаграфаваў напаўаголеную, калі спала п’яная»

Наталля, як і Павел С., які наведаў п’янку, праходзіць па справе як абвінавачаная ў злосным хуліганстве. Але ані яна, ані Павел не хочуць казаць, што канкрэтна яны рабілі са Святланай, пакуль яна была п’яная.

Следчыя паведамляюць коратка: з Рогавай здзекаваліся.

Павялічыць выяву

Забітая Святлана.

«Ну як сказаць… Чалавек быў выпіўшы, і гэта… Ну я б не сказала, што здзекаваліся…», — неахвотна кажа Наталля.

Яна распавяла толькі, чаму яе і Руслана вінавацяць у распаўсюдзе порна.

«Руслан сфатаграфаваў напаўаголеную Святлану, калі яна спала п’яная. І мне пераслаў фота. Ну і пасля міліцыя знайшла ў мяне тое фота, — кажа Наталля. — Але я не публікавала яго нідзе, нідзе не выкладвала. Толькі адправіла ў прыватным паведамленні аднаму знаёмаму… Ён яе ведаў, яны ўступалі ў інтымную сувязь».

Наталля характарызуе Рогаву не надта добра. Кажа, тая нідзе не працавала, піла, нібыта спала з мужчынамі за грошы і нават за алкаголь. Але прызнае, што Руслан заслугоўвае пакарання. Якога — сказаць не можа.

«Гэта забойства з асаблівай жорсткасцю. Закапаць яшчэ жывога чалавека… Ну так, яна выпівала, але якая розніца, няважна, які чалавек быў… Руслан заслугоўвае пакарання. Якога? Я не ведаю. Можа, гадоў 20 яму дадуць, бо здзейснілі групай асоб, ды і раней Руслан быў судзімы за крадзеж аўто, — мяркуе Наталля. —

Але з іншага боку — дадуць пажыццёвае, і што? Сядзець, мучыцца? Можа, тады лепш расстрэл».

Лёс Руслана Сысоева і Марты Казарынай цяпер будзе вырашаць Віцебскі абласны суд.

Улад Швядовіч

2
Непрыхвасьцень / адказаць
14.05.2019 / 14:37
модеры, вы что совсем озверели? безобидные комменты уже трёте, черти.
1
Satan / адказаць
14.05.2019 / 15:45
Трактарыст-максімаліст,
В чешской криминальной хронике как не случай... так 80%, что с "необъятной родины моей" Недавний случай в клубе. Порезали двух чуваков. Как думаете кто? Не гадайте, я отвечу. Чеченец турист. Ну, цыгане бывает чудят. Подрезали чуток цыгане как-то чувака одного... а тот внезапно оказался русским. Через день в цыганский район съехалась куча машин и первого попавшегося цыгана выбросили из окна 5го этажа. Впрочем, об этом наверно не писали в криминальной хронике))
2
Satan / адказаць
14.05.2019 / 15:55
Ну а Беларусь... Беларусь - это Беларусь, детка. Тут конфликт при любой пьянке всегда зреет и часто вызревает. В отличии от Чехии, кстати, когда обычно пьянка спокойно и весело проходит. А тут вот не так давно был в Минске... сидел в кабаке... ребята рядом за столом рубились в покер, к закрытию кабака проигравший заряжает в табло сопернику. И начинается драка прямо в баре. И это не быдло же, это нормальные с виду люди (когда трезвые). Еле мы разняли там их. Я уже думал брать в руки стул и вырубать просто их по голове. Но обошлось) И это вполне такой типичный случай. Можно еще заехать в культовый бар города-героя Минска под названием Шоколад. Там вообще вечно драки. Туда даже таксисты, когда везут, предупреждают - вы вроде нормальные мужики, вам точно туда надо?))
А вот в Чехии... за все время ни разу не нарвался на драку в баре, кстати. Только по рассказам знаю, что таки да бывает порой. А я знаете ли в таких кабаках в Чехии сидел... в футбольных фанатских, в националистических с муляжами автоматов на стенах, я пил в борделях, пил с наркоманами... да, блин я даже не знаю уже, что я не делал в этой жизни. А. Героин не пробовал. Но как-то не хочется.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31