Даслаць навіну
Знайсці
13.05.2019 / 14:09 6

Гэтыя людзі з кіраўніцтва крамы «Еўраопта» выганялі абсалютна голымі на вуліцу тых, хто краў алкаголь

Дырэктар і загадчык аддзела крамы «Еўраопта» ў Серабранцы змагаліся з выкрадальнікамі тавару сваімі метадамі: здзекаваліся з іх у падсобцы, а пасля абсалютна голымі выганялі на вуліцу.

Цяпер лёс супрацоўнікаў крамы будзе вырашаць суд Ленінскага раёна. Працэс па справе пачаўся 13 мая.

Павялічыць выяву

Цікава, што пад вартай тры чалавекі — двое абвінавачаных і адзін пацярпелы. А судзімасці па розных прычынах маюць абсалютна ўсе ўдзельнікі працэсу — і тыя, хто біў, і тыя, каго білі.

Абвінавачаныя — супрацоўнікі крамы на Ракасоўскага ў Серабранцы. 30-гадовы Аляксей Дзямідаў працаваў загадчыкам аддзела.

Павялічыць выяву

Аляксей Дзямідаў

40-гадовы Павел Рафальскі быў дырэктарам.

Павялічыць выяву

Павел Рафальскі

Напрыклад, дырэктара крамы судзілі за гвалт у дачыненні даішніка, яго калегу судзілі за ўхіленне ад прызыву. А ў пацярпелых судзімасці за рабаўніцтва, нясплату аліментаў…

Яшчэ адзін пацярпелы на волі. Гэта ён звярнуўся ў міліцыю пасля збіцця.

«Я скраў бутэльку гарэлкі, — прызнаўся пацярпелы Юрый перад пасяджэннем. — Чакаў знаёмых, каб грошай пазычыць, але яны не прыйшлі… Ну і давялося».

Юрый кажа, што спрабаваў збегчы з той гарэлкай, але яго спыніў ахоўнік. Адвялі ў падсобку.

Там збілі. Пасля прымусілі распрануцца і выкінулі на вуліцу.

«Ключы ўсунулі ў рот — а куды іх падзець, я ж голы! — і пайшоў так. Знайшоў кавалак кардону ў сметніцы, прыкрыўся. Мяне такога забрала міліцыя ў аддзяленне, там далі нейкую вопратку. На наступны дзень звярнуўся па медыцынскую дапамогу», — кажа мужчына.

Павялічыць выяву

Другі пацярпелы — 54-гадовы мужчына. Ён знаходзіцца пад вартай. Раней меў 9 судзімасцяў.

Юрыю зламалі нос — закрыты пералом. Пасля лячэння ён вырашыў напісаць заяву на супрацоўнікаў крамы, якія яго збілі.

Прычым за скрадзеную гарэлку ўжо паспелі асудзіць і самога Юрыя. Мужчына кажа, што атрымаў больш за 200 гадзін грамадскай працы.

Праўда, працэс скончыўся літаральна праз некалькі хвілін пасля пачатку, бо абвінавачаным не ўручылі позвы ў належны тэрмін. Таму пасяджэнне перанеслі на 21 мая.

Улад Швядовіч, фота Надзеі Бужан

1
HENRIK KWINTA / адказаць
13.05.2019 / 14:31
Ну што робиць , такая у нас краина для жыцця, трэба абвыкацца. Самая забауляльнае ясчэ на перадзе.
2
Алесь Нязгода / адказаць
13.05.2019 / 14:38
Лістападаўскі Ґаспадар, ёлупнем можна назваць тых што кралі. Тых што зьдзекваліся пасуе называць жывёламі
3
счётчик Гейгера / адказаць
13.05.2019 / 15:54
"40-гадовы Дзмітрый Рафальскі быў дырэктарам."

Хиба гэта Беларус ?  Азияцкая "культура", азиацкае выхаванне... И... никто не думает о Праве.

Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31