У Вілейскім раёне мужчына вырашыў напалохаць родных і ледзь не павесіўся
Інцыдэнт, які ледзь не скончыўся трагедыяй, здарыўся ў вёсцы Ходасы 6 мая, піша kraj.by
У бацькоўскай хаце напярэдадні Радаўніцы сабраліся трое братоў і дзве сястры. Размаўлялі, выпівалі і паміж справай абмяркоўвалі беcталковасць аднаго з братоў — той злоўжывае спіртным. Увечары сваякі раз'ехаліся, а ў бацькоўскай хаце засталіся двое, распавяла намеснік начальніка Вілейскага РАУС па ідэалагічнай рабоце і кадравым забеспячэнні Кацярына Млечка.
— Мужчына востра ўспрыняў крытыку з боку блізкіх і вырашыў прыцягнуць да сябе ўвагу — патэлефанаваў родным, папрасіў прабачэнне за свае паводзіны і развітаўся са словамі, што больш не даставіць ім клопатаў, — удакладніла Кацярына Млечко.
З вяроўкай у руках у двары дома яго заспеў малодшы брат. Старэйшы пацікавіўся, ці ўзяў брат нож, каб зрэзаць вяроўку. Пакуль той хадзіў у дом па наж, брат ледзь сапраўды не наклаў на сябе рукі — імітуючы павешанне, ён паслізнуўся і павіс на дрэве.
У прытомнасць мужчыну прыводзіла брыгада медыкаў. Яго ўдалося выратаваць.
