Даслаць навіну
Знайсці
10.05.2019 / 00:11 10

Дэпутат Дзярждумы Затулін: Лукашэнка як дзіця капрызіць і крыўдзіць маму, а затым лашчыцца

Павялічыць выяву

Дэпутат расійскай Дзярждумы Канстанцін Затулін даў разгорнутае інтэрв'ю татарстанскаму выданню «Бизнес Онлайн», у якім паразважаў пра цяперашнія беларуска-расійскія адносіны.

Затулін лічыць, што на працягу дзясяткаў гадоў праект Саюзнай дзяржавы не рухаецца з месца.

«Вопыт паказвае, што альбо інтэграцыйныя праекты павінны развівацца па шляху большага паглыблення, або сітуацыя пачынае раскручвацца ў іншы бок», — сказаў дэпутат.

Затулін мяркуе, што людзі, якія дамагаюцца паляпшэння адносін Беларусі і Захаду, спрабуюць дыстанцыявацца ад Расіі і хочуць прадэманстраваць незалежнасць Мінска ад Масквы, сёння выйшлі на першы план у атачэнні Аляксандра Лукашэнкі.

«Я маю на ўвазе перш за ўсё міністра замежных спраў [Уладзіміра] Макея», — адзначыў расійскі парламентарый.

А вось людзі, якія хацелі б большай інтэграцыі, паступова сышлі ў цень.

Затулін кажа, што ў Аляксандра Лукашэнкі «як бы раздваенне асобы».

«Лукашэнка за многія гады асвоіў тактыку, у рамках якой ён паводзіць сябе як вялікае дзіця: капрызіць і крыўдзіць маму, а затым зноў лашчыцца да яе, таму што яна яго любіць, яно для яе роднае», — кажа дэпутат.

Пры гэтым, на яго думку, палітычная інтэграцыя Расіі і Беларусі штучна замарожаная.

«Такое фарміраванне агульнага палітычнага поля было б найважнейшым крокам у развіцці Саюзнай дзяржавы. Але Аляксандр Рыгоравіч гэтага не хоча», — сцвярджае Затулін.

У той жа час расійскі палітык лічыць, што віна ў такой сітуацыі не толькі на Лукашэнку. У 90-я гады ў Расіі былі вельмі далёкія ад інтэграцыйных працэсаў і падтрымлівалі фармальнае перапісванне дакументаў замест таго, каб рэальна будаваць Саюзную дзяржаву.

Дэпутат паскардзіўся, што Лукашэнка не падтрымаў яго «агульнаславянскую» грамадскую структуру ў Беларусі.

«Стварыць ячэйкі руху ў Беларусі не ўдалося, таму што Аляксандр Рыгоравіч, нягледзячы на свае абяцанні, асабіста мне дадзеныя, усё сабатаваў», — запэўнівае Затулін.

Павялічыць выяву

Расійскі парламентарый запэўнівае, што ў нашай краіне цяпер у модзе беларусізацыя.

«Ды бог з ёй, але яна разглядаецца з псеўданавуковых пазіцый. Агульныя з Расіяй гістарычныя падзеі трактуюцца інакш», — абураецца Затулін.

Таксама ён запэўнівае, што ў Беларусі зніклі многія шыльды на рускай мове, а шыльдаў на англійскай і кітайскай стала больш, чым на рускай.

«Гэта нядобры сімптом. Тым больш што ён не можа быць праявай смакавых пераваг насельніцтва», — сказаў Затулін.

Дэпутат прызнаў, што ў Беларусі на першым этапе прэзідэнцтва Лукашэнкі і дзякуючы яму былі прынятыя важныя рашэнні аб дзяржаўнасці рускай мовы.

«Гэтыя дасягненні 90-х гадоў з'яўляюцца стопарнымі якарамі, тармазнымі чаравікамі на шляху дэградацыі Саюзнай дзяржавы», — прызнаў Затулін.

Павялічыць выяву

Пракаментаваў расійскі парламентарый і сітуацыю з Міхаілам Бабічам:

«Беларускі бок проста не прывык да таго, што яму адказваюць», — сказаў Затулін.

На думку дэпутата Дзярждумы, новы расійскі пасол Мезенцаў не будзе лезці на ражон. Але парадак дня ў расійска-беларускіх адносінах будзе такім самым, што і ў Бабіча.

0
Белар / адказаць
10.05.2019 / 15:34
Так забирайте себе своего родственничка, раз он вам такой родной
0
Ліса / адказаць
11.05.2019 / 13:41
Няхай затуліцца Затулін медным тазам. Метатель "красного" словца, ахвяра скреп и зайвай храмосомы. Пусть за поребрик не заходит и за чебурнет.
0
алесь менски / адказаць
15.05.2019 / 18:38
л-ка и впрямь как дитя с ядерной дубиной
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31