У Маскве за ранак — дзве няспраўнасці на Sukhoi Superjet 100, у тым ліку на мінскім рэйсе

Два рэйсы «Аэрафлота» на самалётах Sukhoi Superjet 100 былі затрыманыя ў аэрапорце Шарамеццева 8 мая, паведамляе РБК.

Начны рэйс з Масквы ў Рыгу меў адправіцца а 22:55 7 мая, але вылецеў толькі а 01:09. Вылет быў затрыманы з-за паху гару, які адчулі пасажыры ў салоне. У выніку іх адправілі ў Рыгу на іншым Суперджэце.

А раніцай быў затрыманы рэйс «Аэрафлота» на Мінск. Самалёт меў вылецець у 08:35, але вылет адклалі да 12:00 у сувязі з неназванай тэхнічнай няспраўнасцю.

Расійскі Superjet-100 мае рэпутацыю вельмі праблемнай машыны. Ёю карыстаюцца толькі расійскія кампаніі, а таксама некалькі невялікіх перавозчыкаў у Іране, Замбіі, Ліване, Камбоджы да некалькіх іншых краінах. «Белавія» лётае пераважна на «Боінгах» і «Эмбраерах». 

СГ, фота Wikimedia Commons

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0