Знайсці
06.05.2019 / 23:359РусŁacБел

СБУ: Спецслужбы Расіі рыхтавалі тэракт на арсенале са стратэгічнымі запасамі ракет

Выбухі на складах з боепрыпасамі ў Чарнігаўскай вобласці і пажар адбываліся з 9 па 24 кастрычніка 2018 года. Фота: informator.ua

«Супрацоўнікі вайсковай контрразведкі СБУ папярэдзілі падрыхтоўку спецслужбамі РФ тэрарыстычнага акту на адным з арсеналаў Узброеных сіл Украіны, на якім захоўваюцца стратэгічныя запасы найноўшых ракет і боепрыпасаў», — гаворыцца ў паведамленні СБУ.

На пачатку 2019 года расійскія спецслужбы завербавалі супрацоўніка арсенала з выкарыстаннем псіхалагічнага ўздзеяння і ціску, «пагражаючы бяспецы сваякоў служачага, якія пражываюць на часова акупаваных тэрыторыях Данбаса».

«Перад работнікам арсенала былі пастаўленыя задачы па зборы і перадачы інфармацыі… Атрыманую інфармацыю краіна-агрэсар планавала выкарыстаць для дыверсій на стратэгічным вайсковым аб'екце для падрыву абараназдольнасці Украіны», — адзначылі ў СБУ.

Завербаванаму ўкраінцу абяцалі матэрыяльную дапамогу і грамадзянства Расіі з афармленнем пенсіі, яго таксама забяспечылі сродкамі сувязі для перадачы інфармацыі.

«Каардынацыю яго дзейнасці куратары ажыццяўлялі з тэрыторыі РФ праз інтэрнэт. Дзякуючы своечасоваму рэагаванню супрацоўнікаў вайсковай контрразведкі СБУ ўдалося папярэдзіць ўцягванне ўкраінскага грамадзяніна ў супрацьпраўную дзейнасць на шкоду нацыянальным інтарэсам Украіны», — падкрэслілі ў СБУ.

За апошнія чатыры гады ў Украіне узрываліся некалькі арсеналаў, нагадвае gordonua.com.

29 кастрычніка 2015 года загарэліся склады Мінабароны ў горадзе Сватава Луганскай вобласці, дзе знаходзілася каля 3,5 тыс. тон боепрыпасаў.

23 сакавіка 2017 года пачаліся выбухі на арсенале боепрыпасаў у Балаклее Харкаўскай вобласці.

26 верасня 2017 года — на арсенале ў Калінаўцы пад Вініцай.

У ноч на 9 кастрычніка 2018 года пачалі выбухаць боепрыпасы пад Ічняй ў Чарнігаўскай вобласці, 24 кастрычніка пажар на тэрыторыі арсенала быў ліквідаваны.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера