22-гадовы бортправаднік загінуў, ратуючы пасажыраў у Шарамеццеве
Сцюард паспрабаваў адчыніць дзверы ў хваставой частцы самалёта, каб выратаваць людзей, паведамляе ТАСС.
Пры пажары на борце Sukhoi Superjet 100 загінуў 22-гадовы бортправаднік Максім Маісееў. Ён да апошняга змагаўся за жыццё пасажыраў.
Максім Маісееў. Фота з сацыяльных сетак.
У самалёце двое дзвярэй, эвакуацыя вялася праз пярэднія па надзьмутым трапе. Маісееў працаваў у хваставой частцы самалёта, якую ахапіў агонь. Для таго, каб паскорыць выхад пасажыраў, малады сцюард паспрабаваў адкрыць другія дзверы, але не здолеў праз пажар.
5 мая самалёт Sukhoi Superjet 100 авіякампаніі «Аэрафлот», які выконваў рэйс Масква—Мурманск, загарэўся пры пасадцы ў аэрапорце Шарамеццева. Па апошніх афіцыйных звестках, загінуў 41 чалавек з 78, якія знаходзіліся на борце.
