Дактары сказалі Касільясу, што далей ён павінен жыць без футбола
Фота з твітара Ікера Касільяса
Галкіперу партугальскага «Порту» Ікеру Касільясу прыйдзецца завязаць з кар'ерай футбаліста, лічыць урач-кардыёлаг Хуан Антоніа Карбалан. Пра гэта паведамляе партугальскі партал AS.
Па словах доктара, гуляць у футбол з каранарным стэнтам немагчыма. «Ікер у канчатковым выніку будзе весці нармальнае жыццё, але не будзе займацца спортам на прафесійным узроўні», — сцвярджае кардыёлаг.
Сам футбаліст раней напісаў у Twitter, што яго стан стабілізаваўся, і ён адчувае сябе нармальна. Ён падзякаваў заўзятарам за іх падтрымку.
Касільяс гуляў за «Рэал» з 1998 па 2015 год, пяціразовы чэмпіён Іспаніі, тройчы выйграваў Лігу чэмпіёнаў, чэмпіён свету па футболе (2010). У 2015 годзе перайшоў у «Порту», стаў чэмпіёнам Партугаліі. Ягоны кантракт з партугальскім клубам разлічаны яшчэ на год.
