Як цяпер выглядае развязка на Дзяржынскага, якая адкрыецца праз тыдзень і разгрузіць рух у цэнтры Мінска ШМАТ ФОТА
На скрыжаванні праспекта Дзяржынскага і Першага транспартнага кола сканчваецца будаўніцтва двухузроўневай развязкі.
У чым важнасць яе з'яўлення? Развязка дапаможа разгрузіць цэнтр Мінска ад транзітнага транспарту.
Цяпер для аўтамабілістаў, якія едуць ад плошчы Перамогі ў бок Малінаўкі, будзе прасцей ехаць па Першым коле, а не праз праспект Незалежнасці ці Нямігу.
Дарога будзе трохі даўжэйшай — 6 кіламетраў замест 4 кіламетраў, але больш хуткай.
Стары шлях
Новая альтэрнатыва
Па словах рабочых, рух па новай дарозе будзе адкрыты 10 альбо 11 мая.
На праспекце Дзяржынскага, які праходзіць пад развязкай, ужо пакладзены асфальт, засталося нанесці разметку.
На верхнім ярусе працы засталося больш. У некаторых месцах тут яшчэ нават не ўкладзена плітка на тратуарах.
Пасля таго, як развязка будзе адкрытая, работы працягнуцца. Каб скончыць будаўніцтва Першага транспартнага кола, трэба злучыць існуючую дарогу з вуліцай Талстога. Дабудаваць трэба яшчэ каля 400 метраў.
