У Японіі ўступіў на трон новы імператар Нарухіта ФОТА
У Японіі прайшла цырымонія інтранізацыі новага імператара Нарухіта, паведамляе японская тэлерадыёкампанія NHK.
Цырымонія адбылася ў Імператарскім палацы ў Токіа. На ёй прысутнічалі каля 260 чалавек. Новаму манарху ўручылі імператарскія рэгаліі і пячатку, паведамляе Kyodo News.
Naruhito formally invested as Japan's new emperor https://t.co/gEqDRwAGIApic.twitter.com/GZQUz9E301
У сваім першым звароце да нацыі Нарухіта заявіў, што будзе дзейнічаць у адпаведнасці з Канстытуцыяй і служыць «сімвалам дзяржавы і адзінства японскага народа».
59-гадовы Нарухіта - старэйшы сын былога імператара Акіхіта, які напярэдадні добраахвотна адрокся ад пасады на карысць нашчадка. Гэта адбылося ўпершыню з 1817 года.
Эпоха праўлення Нарухіта будзе называцца Рэйва, што перакладаецца як дабрадзейная гармонія.
Японія — адзіная краіна ў свеце, дзе манарх носіць тытул імператара.