Знайсці
28.04.2019 / 20:173РусŁacБел

«Мсціўцы: Фінал» пабіў сусветны рэкорд па зборах у першы ўік-энд — $1,200 млрд. Прэм'ера ў Мінску — сёння ноччу

Фільм «Мсціўцы: Фінал» сабраў у першы ўік-энд пракату па ўсім свеце 1,2 мільярда даляраў — гэта новы сусветны рэкорд па зборах, паведамляе Bloomberg са спасылкай на кампанію Walt Disney Co.

Папярэдні рэкорд належаў фільму-папярэдніку кінасусвету Marvel «Мсціўцы: Вайна бясконцасці» — у першыя выходныя ён сабраў 640 мільёнаў даляраў у сусветным пракаце.

У ЗША і Канадзе «Мсціўцы: Фінал» таксама сабралі рэкордны бокс-офіс - 350 мільёнаў даляраў у першыя выходныя.

Прэм'ера ў Мінску адбудзецца сёння ноччу. Пачатак кінапаказаў у 23.57, 23.58, 23.59. Сям-там квіткі ўжо прададзеныя.

Паводле прагнозу Bloomberg, агульныя зборы фільма могуць дасягнуць 2,5 мільярда даляраў. Толькі адзін фільм у гісторыі сабраў больш за гэтую суму — у 2009 годзе «Аватар» зарабіў 2,788 мільярда даляраў у сусветным пракаце.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера