Цяжкі бой баксёра Кірыла Рэліха: каманда вымушана была выкінуць белы ручнік ВІДЭА
Сёння ноччу ў Луізіяне адбыўся паўфінальны бой Сусветнай баксёрскай суперсерыі (WBSS) у суперлёгкай вазе (да 63,5 кілаграм) між беларусам, чэмпіёнам свету па версіі WBA Кірылам Рэліхам (23-2) і амерыканцам Рэджысам Прогрэйсам (23-0).
Наш суайчыннік прайграў тэхнічным накаўтам у 6-м раўндзе.
Фота WBSS.
Для Рэліха ўсё пачалося блага: за пару секундаў да першага гонгу ён прапусціў жорсткі ўдар па пячонцы і ўпаў, але здолеў падняцца і дастаяць да канца раўнда.
Потым у Рэліха было пару ўдалых момантаў, але гэтага было мала, Прогрэйс бязлітасна дамінаваў.
У шостым раўндзе каманда беларуса выкінула белы ручнік.
Вось гэты момант.
The ending of #PrograisRelikh which got stopped in the sixth. pic.twitter.com/4TzaI29D1Z
Гэта была другая абарона тытула для Рэліха, першы раз ён здолеў адстаяць пояс у баі з расіянінам Траяноўскім. Прогрэйс называў бой з Рэліхам найважнейшым у сваёй кар'еры.
Што цікава, дык тое, што ў фінале суперсерыі Прогрэйс можа сустрэцца яшчэ з адным беларусам, Іванам Баранчыкам, чэмпіёнам свету па версіі IBF у гэтай жа катэгорыі — ён яшчэ не правёў свой паўфінальны бой.
