Сі Цзіньпін расказаў, хто яго «самы блізкі сябар»

kremlin.ru

Лідар КНР Сі Цзіньпін назваў прэзідэнта Расіі Уладзіміра Пуціна сваім «самым блізкім сябрам», які зрабіў унёсак «гістарычнага значэння» ў развіццё расійска-кітайскіх адносін. Пра гэта ён заявіў падчас міжнароднага форуму «Адзін пояс, адзін шлях» у Пекіне.

«Для кітайскага народа Пуцін — шчыры і даўні сябар. А для мяне асабіста Уладзімір Уладзіміравіч — самы блізкі сябар <…> Я цаню і шаную наша шчырае сяброўства», — падкрэсліў ён.

Сі Цзіньпін адзначыў, што за шэсць гадоў ён сустракаўся са сваім расійскім калегам больш за 30 разоў.

Уладзімір Пуцін, у сваю чаргу, заявіў, што чакае кітайскага лідара ў Расіі з дзяржаўным візітам. Паводле яго слоў, гэта стане ключавой падзеяй у развіцці двухбаковых адносін.

0

0

0

0

0

0