Расійская прапагандыстка Сіманьян прапанавала даваць расійскае грамадзянства ўсім рускім, каб не дапусціць ісламізацыі Расіі
Галоўны рэдактар крамлёўскага прапагандысцкага тэлеканала RT Маргарыта Сіманьян назвала чатыры прычыны, па якіх Расіі варта даваць «грамадзянства для ўсіх рускіх». Адным з аргументаў стала ісламізацыя Расіі.
Мячэць у Казані. Фота: Pixabay.
Па словах Сіманьян, «калі нічога не мяняць», то да 2040 года Расія стане «зусім іншай краінай».
«Пачнём з таго, што Расія будзе краінай мусульманскай. Гэта медыцынскі факт, пацверджаны мноствам разлікаў. Нічога не маю супраць ісламу, як і супраць любой іншай рэлігіі. Але паспрабуйце ўявіць, што да таго часу, як вашыя дзеці будуць у вашым узросце, прэзідэнтам Расіі стане Хабіб Нурмагамедаў», — прапанавала яна
Сіманьян адзначыла, што і супраць Нурмагамедава нічога не мае, аднак хацела б захаваць сваім дзецям радзіму ў культурным, ментальным і рэлігійным выглядзе такой, якой яна яе ведае — «свецкай краінай, дзе квітнее мноства канфесій і этнасаў». Гэта магчыма дзякуючы таму, што праваслаўныя рускія дазваляюць падтрымліваць гэты статус-кво, мяркуе яна.
