Даслаць навіну
Знайсці
20.04.2019 / 23:42 2

Памёр праваслаўны дыякан Уладзімір Русак, вязень сумлення ў савецкі час

Павялічыць выяву

На 70-м годзе жыцця памёр протадыякан Уладзімір Русак, паведамляе ў сваім блогу дыякан Андрэй Кураеў. Русак нарадзіўся ў вёсцы Муцькавічы каля Баранавіч (у савецкі час была перайменаваная ў Зорную, цяпер увайшла ў склад Баранавіч).

Вучыўся ў Мінскім педінстытуце, але выбраў царкоўную дарогу. Пайшоў працаваць у «Журнал Московской Патриархии», скончыў Маскоўскую духоўную акадэмію і атрымаў званне кандыдата багаслоўя. 

Служыў дыяканам і паралельна пісаў, збіраў звесткі пра савецкія рэпрэсіі супраць праваслаўя. У 1982 годзе дабіўся пераводу ў Віцебск, але за згадку ў пропаведзі пра пакутнікаў за веру яго пазбавілі рэгістрацыі і выслалі ў Жыровічы.

Русак склаў спісы расстраляных і арыштаваных савецкай уладай святароў. А таксама знайшоў дакументы пра тое, што епіскапаў прызначалі ў епархіі па ўказанні органаў дзяржбяспекі. 

Нарэшце за самвыдатаўскую кнігу «Сведчанне абвінавачвання» ў 1983 годзе Русака арыштаваў КГБ. Прысуд быў максімальны: 7 гадоў калоніі плюс 5 высылкі за «Антысавецкую агітацыю». Але пачалася перабудова, і ў 1988 Русака выпускаюць, і ён выязджае ў Амерыку, дзе правёў большую частку апошніх гадоў жыцця. Там ён выкладаў у семінарыі Рускай праваслаўнай зарубежнай царквы.

Знаёмыя Русака называлі яго святым чалавекам.

СГ

1
Antyzombie / адказаць
21.04.2019 / 01:02
Вечная памяць!
1
Kent / адказаць
21.04.2019 / 01:04
Павага Чалавеку! ..дабрашчасныя тыя, хто шукаюць праўды бо яны насычаны будуць.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30