Даслаць навіну
Знайсці
29.04.2019 / 10:28 6

«Я гэтую шпакоўню стараюся абыходзіць». Жыхарка вуліцы Гікала расказвае пра дзіўную прыбудову на трэцім паверсе дома ФОТА

Здымкі дзіўнай прыбудовы да дома па вуліцы Гікалы ў Мінску абляцелі ўвесь беларускі інтэрнэт. Яшчэ б — дадатковы пакой з'явіўся… на трэцім паверсе!

«Вяртаюся з працы, гляджу, раніцай яшчэ нічога не было, а ўвечары знаёмы муляр заканчвае рабіць прыбудову на трэцім паверсе!» — расказвае жыхарка дома па вуліцы Гікалы, у якім прыбудавалі той самы пакой.

Марыя Бяссмертная — суседка прадпрымальных пашыральнікаў жылой плошчы. Па яе словах, загадкавая прыбудова з’явілася гадоў 15 таму.

«Будаваў яе колішні гаспадар, нейкі кэдэбіст, з імі я асабліва не сябравала. Салідны такі дзядзька быў, пры капелюшы і касцюме, чаго б ён з намі, простымі рабочымі, сябраваў?

Але дазвол, ведаю, пытаўся ва ўсіх суседзяў, якія жылі з ім па адным стаяку. У яго, наколькі я памятаю, была ідэя зрабіць такія прыбудовы ўсім суседзям з першага да пятага паверха. Ніхто не пагадзіўся, але і самому будаваць не забаранілі. Далі дазвол», — расказвае Марыя.

Павялічыць выяву

Пра тое, што далі такі дазвол, больш за ўсё пашкадавалі суседзі з другога паверха. Калі ўзвялі гэтую прыбудову, аказалася, што ў іх пакоі заўсёды цень.

«І мне стала нязручна. Раней выходзіла на балкон, бачыла, што робіцца ў двары справа, а цяпер упіраюся позіркам у сцяну. Ды і восаў развялі, летам немагчыма проста, цэлы рой лятае. Яны жывуць вунь там, пад казырком прыбудовы», — наракае Марыя.

Павялічыць выяву

Так выглядае прыбудова з балкона суседкі Марыі. 

Гэта прыбудова пашырыла кухню яе суседзяў.

«Заходзіла неяк да іх, калі ўжо іншыя гаспадары былі, той кэдэбіст у Маскву з’ехаў, кватэру прадаў. Дык вось, там стаіць пліта, а ў кухні холадна-холадна, гаспадары нават не абедаюць там, за талеркі — і ў пакой», — працягвае суседка.

Павялічыць выяву

Нішу пад прыбудовай аблюбавалі восы. 

Як будавалі гэты пакойчык, суседка памятае таксама:

«За адзін дзень збудвалі, Цэглу клалі на драўляныя рыштаванні. Доўгі час прыбудова так і выглядала — шпакоўня з белай цэглы. А калі гадоў пяць таму рабілі капітальны рамонт, прыбудову ўцяплілі, патынкавалі».

Пасля таго, як на прыбудову на вуліцы Гікалы звярнулі ўвагу журналісты, да дома сталі прыходзіць нейкія людзі з чырвонымі папкамі.

«Відаць, з ЖЭКу, бо цікавіліся тым, хто дазволіў прыбудаваць. А гаспадары тут не жывуць, кватэру гэтую здаюць. Таму нават не ведаю, ці трапіла гэта камісія ў кватэру», — мяркуе жыхарка дома.

Суседка Марыя кажа, што гэта канструкцыя ў яе даверу не выклікае. Таму жанчына стараецца пад ёй не праходзіць.

«Кажу ж, будавалі гадоў 15 таму, клалі на дрэва. Ну яго, я лепш з другога боку абыйду», — завяршыла суседка.

Наталля Тур, фота аўтара

1
Aleh / адказаць
29.04.2019 / 12:32
Забавно спутниковые тарелки режут,а тут разрешили такое ).Беларусь страна совхозной диктатуры.
0
Нейкі чалавек / адказаць
29.04.2019 / 14:26
Ёсць толькі два шляхі атрымаць дазвол на такую будку: 1) блат; 2) хабар. Першы спосаб выглядае больш імаверным.
0
Патомак ВКЛ / адказаць
30.04.2019 / 08:38
Ян Севярын Бакей,вашим  сведениям о входной двери, как минимум, лет 15. Давно это глупое требование отменено! Перед озвучиванием своих познаний иногда надо сверяться  с =букварем=
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30