Даслаць навіну
Знайсці
20.04.2019 / 10:50 6

Праваабаронцы: Прызначэнне парламенцкіх выбараў на лістапад 2019 года груба супярэчыць Канстытуцыі

19 красавіка падчас выступу з пасланнем да народу і парламента Аляксандр Лукашэнка назваў даты прэзідэнцкіх і парламенцкіх выбараў у Беларусі.

На лістапад 2019 года прызначаныя парламенцкая выбары, а ў 2020 годзе пройдуць ужо прэзідэнцкія выбары.

У бліжэйшы час з'явяцца адпаведныя рашэнні, адзначыў Лукашэнка.

Каардынатар кампаніі «Праваабаронцы за свабодныя выбары» Уладзімір Лабковіч лічыць, што прызначэнне даты выбараў дэпутатаў Палаты прадстаўнікоў на лістапад 2019 года груба супярэчыць Канстытуцыі Беларусі.

Павялічыць выяву

Уладзімір Лабковіч

«Пакуль Канстытуцыя ў нас яшчэ дзеючая, ніякай новай няма, значыць мы павінны кіравацца ёю.

Народ Беларусі як асноўны заканадаўца даў паўнамоцтвы дэпутатам парламента на чатыры гады. Гэта прапісана ў 93 артыкуле Канстытуцыі.

Мінулыя парламенцкія выбары былі ў верасні 2016 года. Значыцца, выбары дэпутатаў Палаты прадстаўнікоў павінны адбыцца не пазней за верасень 2020 года.

Для таго, каб правесці выбары за год да сканчэння тэрміну паўнамоцтваў парламента, павінны быць прадугледжаныя абавязковыя абставіны, якія пазначаныя ў артыкуле 94 Канстытуцыі. І такія падставы маюць вычарпальнасць, не таму што прэзідэнту захацелася, а таму што ў краіне здарыліся пэўныя моманты», — адзначыў Уладзімір Лабковіч.

Так, паўнамоцтвы Палаты прадстаўнікоў могуць быць датэрмінова скарочаныя пры адмове ў даверы ўраду, выказванні вотуму недаверу ўраду або двухразовай адмове ў дачы згоды на прызначэнне прэм'ер-міністра.

Паўнамоцтвы Палаты прадстаўнікоў могуць быць таксама датэрмінова спыненыя на падставе заключэння Канстытуцыйнага суда ў выпадку сістэматычнага або грубага парушэння палатамі парламента Канстытуцыі.

«І толькі ў гэтых выпадках прэзідэнт мусіць прызначыць датэрміновыя выбары ў Палату прадстаўнікоў. Зараз жа мы бачым, што альбо будзе створана такая штучная нагода, якая прадугледжана Канстытуцыяй, што будзе вельмі смешна, альбо мы маем справу з сітуацыяй, калі нормы Канстытуцыі наўпрост ігнаруюцца і парушаюцца.

Адназначна, выбары ў Палату прадстаўнікоў не могуць адбывацца ў гэтым годзе, калі яны не датэрміновыя», — заявіў праваабронца.

Уладзімір Лабковіч падкрэсліў, што цяжка казаць пра палітычныя матывы такога рашэння, бо сістэма ўлады абсалютна замкнутая:

«Увогуле не зразумела, навошта праводзіць выбары ў 2019 годзе, бо ў заканадаўстве прадугледжаныя канкрэтныя тэрміны паўнамоцтваў, і абедзве кампаніі можно было праводзіць у 2020 годзе. Тлумачэнне ЦВК, што гэта цяжка, неабгрунтаванае, бо любая дэмакратыя — рэч цяжкая. Лепш было ўладам не займацца маніпуляцыямі і гульнямі, а проста выконваць Канстытуцыю і закон — праводзіць у 2020 годзе дзве кампаніі».

0
Ян Севярын Бакей / адказаць
20.04.2019 / 20:43
Канстытуцыю ў гэтай краіне , мякка кажучы, здалі ў макулатуру(ці павесілі на цьвічок ў "славойцы" у Драздах) яшчэ ў лістападзе 1996-га...усё астатняе, што адбывалася потым  і адбываецца сёньня - толькі ільлюстрацыя гэтага тэзіса...
калі доўга і ўпарта ісьці ў балота- немінуча патонеш. тутэйшы люд мне апошнія гадоў дваццаць з гакам усё болей  нагадвае таго падмаскоўнага саматужнага канкурэнта Гудзіні, што хацеў "пераплюнуць" майстра і прыкаваўся кайданкамі да хвоі ў лесе, а ключ выкінуў як падалей...

0
tagasviet / адказаць
21.04.2019 / 00:03
Х - хеўра
0
Ляксандра / адказаць
21.04.2019 / 21:12
Это вам,уважаемый автор,невозможно наплевать на Конституцию,а "богам"-раз плюнуть.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31