Даслаць навіну
Знайсці
18.04.2019 / 15:36 30

«Ніхто яе па вуліцах насіць не будзе, гэта лухта ўсё». Брэсцкім кадэтам падораць харугву з расійскім імперскім арлом

«Вечерній Брест» апублікаваў матэрыял пра кадэцкі клас у брэсцкай школе №35.

Апроч іншага, выданне звярнула ўвагу на тое, што для гэтага класа пашыта спецыяльная харугва, якую вось-вось уручаць навучэнцам. 

Што на харугве? Расійскі імперскі арол! 

Павялічыць выяву

фота vb.by

«Сцяг выраблены з дабраславення архіепіскапа Брэсцкага і Кобрынскага Іаанна ў залаташвейнай майстэрні Свята-Раства-Багародзіцкага жаночага манастыра ў Брэсцкай крэпасці», — паведамляе газета.

«Намеснік дырэктара школы №35 і нязменны камандзір брэсцкіх кадэтаў Віктар Пенза ўпэўнены, што мець такую гістарычную рэліквію вельмі важна для хлопцаў і горада агулам. У цяперашні час харугва ў кадзетаў ёсць, але яна надта сучасная», — цытуе газета ідэйнага натхняльніка, Віктара Пензу.

Павялічыць выяву

Віктар Пенза з кадэтамі, фота vb.by 

Але навошта беларускім школьнікам у 2019 годзе патрэбны імперскі арол?

Кіраўнік кадэтаў Віктар Пенза запэўнівае, што непаразуменні склаліся праз падачу ў прэсе. 

Маўляў, ніхто маршыраваць з гэтай харугвай не збіраецца — гэта толькі музейны экспанат. 

«Я разумею, да чаго вы вядзеце! — каментуе сітуацыю Пенза. — Але наперад скажу, што я — беларус. Нарадзіўся ў Брэсце, тут нарадзіліся мае дзеці і пахаваныя мае бацькі.

Ніякі я не дыверсант, і я супраць уваходжання Беларусі ў склад Расіі — толькі ворагі могуць пра такое думаць,

але я прысвяціў жыццё выхаванню кадэтаў. А ў кадэцкага корпуса ёсць гісторыя, якую не перапішаш».

«У Брэсце, на Валынскам умацаванні, у 1842 годзе быў адкрыты Аляксандраўскі Брэст-Літоўскі кадэцкі копус. Адначасова, у 1837 годзе быў адкрыты Полацкі кадэцкі корпус. У 1844 годзе ім былі ўручаныя харугвы, яны аднолькавыя. Харугву Полацкага ўратавалі, а Брэсцкага — не.

Гісторыя брэсцкага корпуса ўвогуле цікавая, бо ў 1853-м яго перавялі ў Вільню, потым у Санкт-Пецярбург, дзе рэарганізавалі ў Александраўскую вучэльню.

Ёсць вельмі цікавая кніга — «Мяцежны корпус». Гэта пра брэсцкі корпус.

Выпускнікі гэтага корпуса ўдзельнічалі ў паўстанні 1863 года. Ён быў скасаваны праз гэта, уласна кажучы. Унутры корпуса кадэты стварылі гурток, шмат чаго ў іх было забароненага для тых часоў», — патлумачыў Пенза.

Павялічыць выяву

Харугва ў музеі, vb.by

Ён кажа, што вяртанне харугвы было прынцыповым для яго як для чалавека, які прысвяціў жыццё выхаванню кадэтаў у Брэсце. 

«ВКЛ — было, Расійская імперыя — была. Да яе ў мяне стаўленне такое ж самае, відаць, як і ў вас. Але гэта гісторыя, месца гісторыі — у музеі. І мы там гэтую харугву і паставім. Ніхто яе па вуліцах насіць не будзе, гэта лухта ўсё. Яна — сімвал гісторыі, далёкіх дзён стварэння корпуса, а не нейкай сучаснай расійскай дурасці», — падсумаваў Пенза. 

АЯ

33
Жора / адказаць
18.04.2019 / 21:47
Думаю что Двухглавого нужно повесить на самое видное место, чтобы дети присягали на верность с пеленок. 
2
Канстанцін з-пад Оршы / адказаць
18.04.2019 / 22:13
Жора, ля унітаза,у якасці ходніка,будзе карыць ад двухгаловай курыцы.
0
Inger / адказаць
19.04.2019 / 02:05
"Ніхто яе па вуліцах насіць не будзе, гэта лухта ўсё." - Značycca praūda!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31