За абарону курапацкіх крыжоў ад зносу актывістаў аштрафавалі як хуліганаў

У судзе Мінскага раёна прайшлі адміністрацыйныя працэсы над актывістамі, якія 4 красавіка дамагаліся спынення зносу крыжоў у мемарыяле ахвяраў сталінізму ў Курапатах, піша Радыё Свабода.

Актывіста Піліпа Шаўрова суд пакараў штрафам у памеры 40 базавых велічынь (1020 рублёў): яго прызналі вінаватым у дробным хуліганстве і непадпарадкаванні міліцыі.

Штраф у 6 базавых велічынь (153 рублі) атрымаў Валер Шаўроў, якога затрымалі, калі ён здымаў на відэа знос курапацкіх крыжоў.

Штрафам у 10 базавых велічынь (255 рублёў) суд пакараў Міхася Сабалеўскага, які паспрабаваў заступіцца за актывістаў падчас іхнага затрымання.

Працэс над актывісткай Нінай Багінскай, якая закрывала сабой крыжы, каб абараніць іх ад зносу, перанесьлі на 26 красавіка.

Алег Груздзіловіч, Радыё Свабода

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0