20 красавіка — «Акадэмкніга» запрашае на сустрэчу з Міхаілам Валодзіным
Навуковая бібліятэка БНТУ (вул. Якуба Коласа 16). Моладзевая пляцоўка. Пачатак а 16.00.
«Акадэмкніга» запрашае на прэзентацыю кнігі Міхаіла Валодзіна «Пропетая биография». Сустрэча адбудзецца ў рамках фестывалю «Горад і кнігі».
У сваёй новай кнізе мінскі пісьменнік Міхаіл Валодзін ставіць незвычайную задачу: праз прызму аўтарскай песні распавесці пра сваё жыццё і жыццё краіны.
Аднак гэтым незвычайнасць «Праспяванай біяграфіі» не абмяжоўваецца. У ёй з песнямі на роўных суседзяць проза, эсэістыка і вершы. Пры гэтым песні ў патрэбных месцах гучаць, а навінны радок, што бяжыць праз усю кнігу, нагадвае чытачам пра галоўныя падзеі другой паловы XX - пачатку XXI стагоддзя. Інакш кажучы, пра галоўныя падзеі нашай эпохі.
«Шчыльную і шчырую кнігу Міхаіла Валодзіна спярша лепш слухаць, а потым ужо і чытаць. Яна сама сябе распавядае і спявае, натуральна, пад гітару, якую аўтар называе інструментам для медытацыі і апісвае як каханую жанчыну. Так яно, па сутнасці, і ёсць», — так выказаўся пра кнігу пісьменнік Аляксандр Геніс, які жыве ў Нью-Ёрку.
Набыць кнігу Міхаіла Валодзіна ды іншыя новыя выданні і бестселеры, можна ў кнігарні «Акадэмічная кніга» (пр. Незалежнасці, 72).
РУП «Акадэмічная кніга» УНП 101462648
