«Мінсктранс» распавёў, колькі павінен каштаваць праезд, каб грамадскі транспарт у сталіцы акупляўся
Фота Волі Афіцэравай
«Гэта не сакрэт: у суседніх краінах, напрыклад у Прыбалтыцы, праезд каштуе 1—1,2 еўра. Нават у Расіі гадоў пяць назад праезд каштаваў прыкладна 1 даляр. Сёння прыкладна такі ж кошт талона павінен быць і ў нас, каб транспарт акупляўся», — распавёў намеснік гендырэктара «Мінсктранса» Віктар Тозік.
Сёння пасажыры ў Мінску аплачваюць ад 40 да 50% ад сабекошту праезду, у залежнасці ад віду транспарту, паведаміў першы намеснік генеральнага дырэктара «Мінсктранса» Алег Дзюбенка.
Апошні раз кошт праезду ў гарадскім і прыгарадным грамадскім ў Беларусі транспарце павышалі ў лістападзе 2018 года.
«Ці будзе праезд даражэць — залежыць не ад нас, мы свае прапановы падавалі яшчэ ўвосень. Напэўна, у найбліжэйшы час не плануецца», — дадаў Віктар Тозік.
