Беларускага кіраўніка у Анкары сустрэла кавалерыя з 40 коннікаў
Цырымонія афіцыйнай сустрэчы Аляксандра Лукашэнкі з Рэджэпам Таіпам Эрдаганам праходзіць у Анкары, перадае БелТА.
Кіраўнікі дзяржаў правядуць перамовы ў Белым палацы — афіцыйнай рэзідэнцыі прэзідэнта Турцыі. Аляксандр Лукашэнка і Рэджэп Тайіп Эрдаган абмяркуюць развіццё двухбаковых адносін у вузкім фармаце, а таксама з удзелам членаў дэлегацый.
Цырымонія афіцыйнай сустрэчы Аляксандра Лукашэнкі ў Прэзідэнцкім палацы пачалася з пратакольных мерапрыемстваў, з уласцівым ім нацыянальным каларытам. Яшчэ на пад'ездзе картэж беларускага кіраўніка сустрэла кавалерыя з 40 коннікаў, якія праводзілі яго да галоўных палацавых варот.
Аляксандр Лукашэнка і Рэджэп Тайіп Эрдаган сустрэліся ўжо на тэрыторыі Белага палаца. Падчас цырымоніі аркестр выканаў гімны Беларусі і Турцыі, на фоне якіх па нацыянальнай пратакольнай практыцы быў зроблены 21 стрэл.