Даслаць навіну
Знайсці
15.04.2019 / 20:24 31

У Парыжы гарыць Нотр-Дам, абваліўся шпіль ФОТЫ і ВІДЭА

У панядзелак, 15 красавіка, у саборы Нотр-Дам у Парыжы ўспыхнуў пажар.

Відавочцы публікуюць у сацсетках відэа і фоты сабора, ахопленага агнём.

Агонь знішчыў шпіль культавага будынка.

Услед за шпілем абрынуўся дах сабора.

Агонь дасягнуў адной з вежаў сабора. Гэта яшчэ адна трагедыя: можа згарэць славуты звон Нотр-Дам. Пажарныя не ўпэўненыя, што яны змогуць спыніць пажар.

Усе драўляныя канструкцыі Нотр-Дам «цяпер гараць», заявіў прадстаўнік сабора па сувязях з грамадскасцю Андрэ Фіно. 

«Усё цяпер гарыць. Ад драўляных канструкцый — яны з аднаго боку 19-га, а з другога боку 13-га стагоддзяў — нічога не застанецца», — наракае сп. Фіно.

«Пытанне, ці закране агонь скляпенні, якія накрываюць сабор», — дадае ён.

Пажарныя былі няздольныя нічога зрабіць, бо вада з іх брандспойтаў не даставала да месцаў узгарання. Цяпер яны падняліся на другі паверх між вежамі, спрабуюць дастаць агонь адтуль.

Авіяцыю рэдка выкарыстоўваюць для тушэння пажараў у гарадах, бо ёсць рызыка для людзей, якія знаходзяцца паблізу, піша Le Monde.

Гасіць пажар Нотр-Дам з паветра немагчыма, сабор абваліцца, калі абрынуць на яго масу вады

«Скідванне вады з самалёта ці верталёта магло б разбурыць структуру Нотр-Дам і нанесці дадатковую шкоду суседнім будынкам», — тлумачыць у сваім твітары Sécurité Civile Fr, Грамадзянская абарона Францыі.

У гэтую гадзіну рашаецца, ці ўдасца ўратаваць хаця б нешта.

Лёс будынка вырашаецца ў паўночнай вежы. Калі распаўсюд агню там спыніць не ўдасца, вежа абрынецца, а за ёй — і галоўны неф. З агнём змагаюцца 400 пажарных. Частка іх працягвае выносіць шэдэўры мастацтва і царкоўныя рэліквіі з сабора. Яны рызыкуюць жыццём: будынак у любы момант можа абрынуцца, пралічыць гэта немагчыма.

На месца падзей прыбылі прэзідэнт і прэм'ер-міністр Францыі — Эмманюэль Макрон і Эдуар Філіп, а таксама мэр Парыжа.

Пацярпелых у пажары няма.

Па словах прадстаўніка сабора, пажар пачаўся каля 18:50 па мясцовым часе (19:50 па беларускім часе).

Французскія СМІ паведамляюць са спасылкай на пажарных, што пажар «патэнцыйна звязаны» з рэстаўрацыйнымі работамі.

Сабор апошні час знаходзіўся на рэстаўрацыі, ля сцен будынка былі ўсталяваныя будаўнічыя рыштаванні. У красавіку будаўнікі працавалі на даху будынка, спрабуючы аднавіць гістарычны выгляд шпіля.

Сабор парыжскай Божай Маці быў пабудаваны ў XII-XIV стагоддзях і сёння з'яўляецца адной з самых папулярных турыстычных славутасцяў Еўропы.

Ён з'яўляецца кафедральным саборам архідыяцэзіі Парыжа.

0
Дед Мороз / адказаць
16.04.2019 / 00:54
Владимир.Бобруйск,гордитесь слабоумием и отвагой скрэпных?!
почему тогда сгорают у вас ТЦ и т.д. в РФ?!
2
вася чэсных / адказаць
16.04.2019 / 03:03
2 сентября 2018 сгорел музей в Бразилии, а теперь Нотр-Дам. Скажут, что замыкание электропроводки, но к этому можно легко привести целенаправленно, урезая расходы на системы пожаротушения, не проводя своевременный осмотр/ремонт электросетей, эксплуатация и подключение новых приборов без согласования с инженерами. И трагедия случится. Нотр-Дам - это символ христианской Франции. Подан сигнал - "старушка Франция в огне", а ведь из Франции на европу распространялись все новые веяния: революция и пр. И кстати, нм улицах французских городов подрастает все больше арабских и африканских подростков преимущественно - мусульман. Горящий Нотр-Дам - это сигнал для них, подростковая психика впечатлительна, соц.сети ненавязчиво вложат в юные умы "нужные мысли".
0
Inger / адказаць
16.04.2019 / 06:24
ooo, a heta na žaļ nie žart, a sumnaja rečaistnas'c'...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30