Даслаць навіну
Знайсці
15.04.2019 / 19:00 5

Піва з памідорамі і перцам? Лёгка! Чым здзіўлялі на крафтавым фэсце

У Мінску адбыўся пяты фестываль крафтавага піва.

Павялічыць выяву

Што такое крафтавае піва? Гэта піва выпушчанае невялікімі прыватнымі броварамі. У перакладзе слова «крафт» значыць самаробны.

Крафт паказвае, што піва можа быць вельмі розным, а не стандартным магазінным лагерам. Яно можа быць горкім і пахнуць экзатычнымі фруктамі (і гэта будзе не хімія, а эфект хмелю), экстрэмальна моцным, але пры гэтым ніякага спірту ў смаку вы не адчуеце, можа быць кіслым і не быць пры гэтым сапсаваным, піва можа быць вэнджаным і нават салёным. Яно можа быць любым, адзінае абмежаванне — гэта ваша фантазія.

Напрыклад, адным з самых папулярных гатункаў на фэсце быў гозэ «Чэлада». Гэта традыцыйны нямецкі кісла-салёны гатунак з горада Лейпцыга. З прыходам крафтавай рэвалюцыі гозэ атрымала новае жыццё. І цяпер з якімі дадаткамі яго толькі не вараць. Вось «Чэладу» прыгатавалі са свежымі памідорамі і трыма відамі перцу. Мабыць, непадрыхтаваны чалавек увогуле б не пазнаў у гэтым напоі піва.

Самым папулярным на фэсце аказаўся імперскі стаўт «Бунін», які прывез варонежскі бровар Brewlok. Хлопцы ў расійскай правінцыі робяць абсалютна фантастычнае піва. «Бунін» — гэта амаль 14-градусны стаўт, які быў вытраманы на трэсках каўказскага дуба.

З беларусаў, як заўсёды, у топе былі Midnight Project. Не так даўно гэты бровар быў у топ-50 найлепшых у свеце па адзнаках карыстальнікаў піўной сацыяльнай сеткі Untappd. Гэта ім дазволіла зварыць піва сумесна з адным самых крутых у свеце бровараў — дацкім Mikkeler. Заснавальнікі «Мікелера» нават прыязджалі для гэтага ў Беларусь.

Чарга да «Міднайтаў» была самая доўгая, каб пакаштаваць іх парэчкавы кісляк, мілшэйк з маракуяй і сэзан з гуркамі.

Фэст праходзіў на пляцоўцы ОК16 на вуліцы Кастрычніцкай. Гэта былыя памяшканні савецкіх заводаў, якія сёння асвойваюць мінскія хіпстары. Тыя яшчэ ўражанні, калі ў былых завадскіх цэхах соўгаюцца туды-сюды барадачы з новым экстрэмальным гатункам.

На фэсце было больш за паўсотні бровараў. Прыехалі півавары нават са Швецыі і Вялікабрытаніі. У ЗША рынак крафтавага піва складае ўжо 13% ад агульнага аб’ёма. Беларусам і праз традыцыю, і праз фінансавае становішча пра такія лічбы пакуль рана марыць. Але факт, што ў нас вырабляецца шмат незвычайнага і якаснага піва.

ЗП

6
Максим Дизайнер / адказаць
16.04.2019 / 11:47
Да хоть с яйцами. Если хмель галимый, все эти добавки только для того, чтобы перебить вкус. Пускай сварят настоящий классический лагер со сроком годности 3 дня.
5
Максим Дизайнер / адказаць
16.04.2019 / 14:17
Дзядзька,

И правильно сделала молодежь. Молодежь должна на Коста Брава отдыхать, танцевать, пить, курить травку общаться со сверстниками, заниматься сексом, узнавать новое. А не сидеть по бетонным норам, и выходить на протесты со стариками. 
3
несцер / адказаць
17.04.2019 / 20:05
Вычварэнцы.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31