Кіраўнік Беларусі заявіў пра спробы Захаду «пабіць» Турцыю за куплю С-400
aa.com.tr
За куплю расійскіх зенітна-ракетных комплексаў C-400 Турцыю не проста крытыкуюць, а фактычна збіваюць, лічыць Аляксандр Лукашэнка. Такое меркаванне ён выказаў у інтэрв'ю агенцтву «Анадолу» напярэдадні свайго візіту ў Турцыю.
«Амерыканцам не падабаецца ваша пазіцыя. Вы закупілі ў Расіі абарончую зброю, якую вам вельмі трэба і якая таннейшая. Вас таксама за гэта ўжо не крытыкуюць, а спрабуюць пабіваць. За любую палітыку незалежнасці Анкару пачынаюць крытыкаваць, нападаць на Турцыю», - сказаў Лукашэнка.
На яго думку, гэта сведчыць пра тое, што Турцыя займае правільную пазіцыю з пункту гледжання абароны сваіх нацыянальных інтарэсаў. «Як толькі вашыя канкурэнты, а можа, і супернікі, пачынаюць вас крытыкаваць, ведайце, што вы робіце правільна, хоць яны не праціўнікі вам, вы ў адным «плугу» »НАТА», — адзначыў кіраўнік Беларусі, падкрэсліўшы, што ў гэтым ён падтрымлівае Рэджэпа Таіпа Эрдагана.