Нацбанк выпускае памятныя манеты «II Еўрапейскія гульні»
Нацыянальны банк 15 красавіка выпускае ў абарачэнне памятныя манеты «II Еўрапейскія гульні 2019 года. Мінск»:
— залатую — намiналам 50 рублёў, вагой 7,78 г, пробай сплаву 999, дыяметрам 25,00 мм, тыражом 300 штук;
— срэбную — наміналам 20 рублёў, вагой 33,63 г, пробай сплаву 925, дыяметрам 38,61 мм, тыражом 1 500 штук;
— медна-нікелевую — наміналам 1 рубель, вагой 19,50 г, дыяметрам 37,00 мм, тыражом 3 000 штук.
Манеты маюць форму круга, з пярэдняга і адваротнага бакоў — кант, які выступае па акружнасці. Бакавая паверхня манет з насечкай.
Манеты адчаканены на Літоўскім манетным двары якасцю: залатая і срэбная — «пруф», медна-нікелевая — «пруф-лайк».
Выпушчаныя ў абарачэнне манеты з'яўляюцца законным плацежным сродкам і абавязковыя да прыёму па намінальным кошце пры ўсіх відах плацяжоў без усялякіх абмежаванняў.
