Даслаць навіну
Знайсці
15.04.2019 / 10:09 27

Урад Літвы: Надпісы на магілах паўстанцаў 1863 года будуць і па-беларуску

Павялічыць выяву

«Імёны кіраўнікоў і ўдзельнікаў паўстання [на іх магілах пасля перапахавання], як мяркуецца, будуць запісаны на літоўскай, польскай і беларускай мовах», — гаворыцца ў лісце першага намесніка канцлера ўрада Літвы Дэйвідаса Матулёніса.

Урад Літвы адказаў на зварот больш як 500 дзеячоў грамадства і культуры Беларусі з гэтай нагоды. Адказ прыйшоў галоўнаму рэдактару часопіса «Наша гісторыя» Андрэю Дынько, каардынатару збору подпісаў пад зваротам беларускай грамадскасці.

«Дзякуем Вам за цікавасць і клопат пра лёс парэшткаў кіраўнікоў і ўдзельнікаў Паўстання 1863—1864 гадоў, знойдзеных у Віленскім замку на гары Гедыміна, — гаворыцца ў адказе намесніка канцлера. — Кіраўнікоў і ўдзельнікаў Паўстання сумленна і годна перапахаваюць у цэнтральнай капліцы могілак Росы ў Вільні. Урачыстую цырымонію плануецца арганізаваць у 2019 годзе», — паведамляецца ў лісце.

Цяпер віленскія архітэктары распрацоўваюць канцэпцыі дызайну капліцы. «Імёны кіраўнікоў і ўдзельнікаў паўстання, як мяркуецца, будуць запісаны на літоўскай, польскай і беларускай мовах», — гаворыцца ў лісце літоўскага чыноўніка.

На гары Гедыміна знайшлі парэшткі 20-ці з 21-го пакараных паўстанцаў. Парэшткі Кастуся Каліноўскага ідэнтыфікаваныя з пэўнасцю на 95%.

Паўстанне 1863—64 гадоў мела нацыянальна-вызвольны і сацыяльны характар. Кіраўнік паўстання ў Беларусі, харызматычны Канстанцін Каліноўскі ўпершыню ў найноўшай гісторыі стаў выкарыстоўваць беларускую мову ў сваёй рэвалюцыйнай агітацыі. Калі ўдзельнікі ранейшых паўстанняў змагаліся за аднаўленне Рэчы Паспалітай у старым яе разуменні, Каліноўскі падышоў да фармулявання беларускіх нацыянальных інтарэсаў і задач. Паролем паўстанцам былі словы: «Каго любіш?» — «Люблю Беларусь!» — «То ўзаемна!»

Чытайце таксама:

Як расійскія салдаты пахавалі Кастуся Каліноўскага: рукі звязаныя за спінай, цела засыпанае вапнай ФОТЫ

Гісторык папунктава разабраў артыкул Мінадукацыі пра Каліноўскага: «Старанная фальсіфікацыя, якая разбіваецца «Лістамі з-пад шыбеніцы»

Загадка бацькі Каліноўскага

500 дзеячаў грамадства і культуры Беларусі звярнуліся да Далі Грыбаўскайце

Сяргей Гезгала

5
Вітаўт / адказаць
06.05.2019 / 06:20
Літоўцы i Беларусы гэта самыя сапраўдныя браты. Дзякуй ім за нашых агульных Вялікіх Князёў. Катусь Каліноўскі выкарыстоўваў і Літоўскую мову ў сваіх писменных зваротах да паўстання. Ні ўсе Беларусы гэта ведаюць.
1
Зьмiцер / адказаць
11.05.2019 / 15:40
Трэ яшчэ дадаць надпісы на ангельскай і кітайскай мовах. Першы - для сучасных суграмадзян Літвы па Эурасаюзу, другі - на перспектыву, для будучых грамадзян правінцыі Літаовань Кітайскае Народнае Рэспублікі.
0
NavuchencaBK / адказаць
14.05.2019 / 21:53
makswit,
бачу, спадару невядомыя падставы, з якіх была разлучаная Літоўска-Беларуская ССР. Калі на падыход Пілсудзкага летувісы рэягаваўшыя разьнёў беларусаў, якіх вінавацілі ў падтрымцы чырвоных, ў разьліку на асабістае вызначэньне пры падрымцы палякаў і падыходзячых тым на падтрымку германцаў.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31