У Мінску матацыкліст, уцякаючы ад ДАІ, урэзаўся ў шлагбаўм
У Мінску ліхач на матацыкле спрабаваў уцячы ад экіпажа Дзяржаўтаінспекцыі. Такая інфармацыя размешчаная на телеграм-канале УДАІ ГУУС Мінгарвыканкама, паведамляе БелТА.
Фота з Тэлеграм-канала Пост ДАІ.
Увечары 13 красавіка, экіпаж ДПС аддзела ДАІ Ленінскага РУУС Мінска пераследваў матацыкліста, які рухаўся з перавышэннем хуткасці, парушаў правілы дарожнага руху і праігнараваў патрабаванне супрацоўнікаў спыніцца.
Ліхач выехаў на праспект Пераможцаў і ў раёне скрыжавання з завулкам Вяснінка, спрабуючы аб'ехаць аўто, што спыніліся на чырвонае святло, не справіўся з кіраваннем і ўрэзаўся ў машыну аператыўнага прызначэння.
Праехаўшы яшчэ каля 50 м, матацыкліст уляцеў у шлагбаўм. Кіроўца быў затрыманы супрацоўнікамі спецпадраздзялення ДАІ. Пры затрыманні матацыкліст супраціўляўся. Цяпер мужчына знаходзіцца ў Цэнтры ізаляцыі правапарушальнікаў.
