Знайсці
14.04.2019 / 11:528РусŁacБел

«Спрабаваў выкараскацца, чапляўся за зямлю» — следчыя расказалі пра абставіны гібелі Вані Валошына

Сяргей Дучэнка, афіцыйны прадстаўнік УУС Брэсцкага аблвыканкама, у эфіры канала «Беларусь 1» расказаў, што ўдалося высветліць следчым на месцы здарэння.

«Папярэдне дзіця заблукала і не магло знайсці выхад. Таму што тут меліярацыйны канал мае разгалінаванне - злева і справа. Тут на беразе бачныя сляды, відаць, што спрабаваў ён выкараскацца, чапляўся за зямлю.

Цела выяўлена за чатыры метры, дзе былі гэтыя сляды. Тут ужо падышлі сваякі нябожчыка. Вядзецца з імі праца, псіхолагі, медыкі. Нервовая абстаноўка. Мы выказваем шчырыя спачуванні родным і блізкім Івана».

Ваня Валошын, якому 1 год 11 месяцаў, выйшаў з дому ў вёсцы Люба́шкі ў Камянецкім раёне на Берасцейшчыне ўдзень 10 красавіка. Маці Вані звярнулася ў міліцыю ў 21:00. Яна расказала, што сын выйшаў з дому каля 15:00 і не вярнуўся дахаты. З таго часу ягонае месцазнаходжанне было невядомае.

На пошукі дзіцяці адразу рушылі міліцыянты, ратаўнікі, памежнікі, вайскоўцы. Сёння ў пошуках хлопчыка ўдзельнічалі 93 валанцёры.

Чытайце таксама: Што вядома пра сям'ю хлопчыка, які прапаў пад Камянцом

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера