Юнага жыхара Ліды падазраюць у прычыненні па неасцярожнасці смерці 16-гадоваму спартсмену

У прычыненні па неасцярожнасці смерці вучню Лідскага філіяла Гродзенскага дзяржаўнага вучылішча алімпійскага рэзерву падазраецца 18-гадовы жыхар райцэнтра, паведамляе УСК па Гродзенскай вобласці.

Інцыдэнт са смяротным зыходам здарыўся вечарам 1 красавіка ў распранальні спартзалы. Следчы камітэт пачаў крымінальную справу па ч. 1 арт. 144 КК Беларусі. Праваахоўнікі атрымалі звесткі пра прычынную сувязь паміж смерцю 16-гадовага падлетка і фізічным уздзеяннем з боку 18-гадовага падазраванага. Да апошняга не ўжывалі ніякай меры стрымання.

Чытайце таксама: У Лідзе памёр дзесяцікласнік-спартсмен

0

0

0

0

0

0