Штаб Парашэнкі — Зяленскаму: Трэба проста прыйсці і пасікаць
Прадстаўнік перадвыбарчага штаба Пятра Парашэнкі Алег Мядзведзеў заявіў, што каманда дзеючага прэзідэнта Украіны незадаволеная тым, якое месца ў выбарчай кампаніі займае абмеркаванне аналізаў.
У той жа час ён адзначыў, што штаб Парашэнкі прыняў «чэлендж ад каманды Зяленскага».
У штабе Парашэнкі заклікалі Уладзіміра Зяленскага прыйсці сёння на стадыён Алімпійскі і здаць аналізы экспертам VADA.
«Нам неяк трошкі няёмка перад знешнім светам. Але мы прынялі гэты чэлендж ад каманды Зяленскага, таму не трэба саскокваць, трэба проста прыйсці і пасікаць», — сказаў ён.
У той жа час палітычны кансультант Зяленскага Дзмітрый Разумкоў заявіў BBC News Україна, што Зяленскі ўжо здаў усе аналізы і яшчэ раз здаваць іх не будзе.
«Было пытанне аб здачы аналізаў — аналізы здалі. Хто ўжо як здаў: хто здаваў у незразумелым медпункце, а хтосьці — у лабараторыі», — сказаў ён.
