Знайсці
09.04.2019 / 20:017РусŁacБел

Жыхар Маладзечаншчыны выклаў інтымныя фоты былой дзяўчыны ў сацыяльных сетках. Гэта была помста

19-гадовы жыхар вёскі Гарадок Маладзечанскага раёна размясціў у інтэрнэце ад імя сваёй дзяўчыны яе пікантныя здымкі і пералік платных інтымных паслуг. Так ён хацеў адпомсціць на развітанне, паведамляе УУС.

У міліцыю звярнулася 18-гадовая жыхарка Маладзечна, якая паведаміла, што не можа атрымаць доступ да асабістых акаўнтаў у сацыяльных сетках «Укантакце» і «Instagram». Акрамя таго, на яе старонках размешчаныя фатаграфіі непрыстойнага зместу і запісы, быццам дзяўчына аказвае інтымныя паслугі за грошы.

Як высветлілі праваахоўнікі, на старонкі дзяўчыны ў сацсетках зайшоў яе знаёмы. Пароль ад акаўнтаў яна дала яму асабіста незадоўга да інцыдэнту. Пасля некалькіх гадоў адносін маладыя людзі рассталіся.

З рэўнасці або, верагодна, з помсты былы хлопец змяніў налады прыватнасці, а менавіта рэквізіты, неабходныя для ўваходу ў акаўнты.

Акрамя таго, выставіў на ўсеагульны агляд інтымныя фатаграфіі дзяўчыны і запісы пра платныя інтымныя паслугі ад яе.

Хлопец ва ўчыненым злачынстве раскаяўся.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера