У Францыі веганаў прысудзілі да турмы. Яны нападалі на мясныя крамы
У французскім горадзе Ліль суд вынес прысуд чатыром радыкальным веганам, якія здзейснілі 15 нападаў на мясцовыя рэстараны, крамы і мясныя лаўкі ў 2018 годзе, паведамляе Настоящее время.
Фота: PxHere.
Двум абвінавачаным далі шэсць месяцаў завочнага заключэння, яшчэ двух прысудзілі да шасці і дзесяці месяцаў турмы.
Група пачала напады ў красавіку 2018 года. Яны нападалі на мясныя лаўкі, а таксама на адзін рыбны магазін, адну лаўку па продажы сыру і далікатэсаў і адзін рэстаран McDonald's.
У паліцыі высветлілі, што ўсе ўдзельнікі групы былі веганамі і такім чынам пратэставалі супраць продажу мяса і мясных прадуктаў.
Праваахоўнікі распавялі, што актывісты разбівалі вітрыны магазінаў, аблівалі сцены фальшывай крывёю і пакідалі на месцы злачынства надпіс: «Stop Speciesism». Гэты лозунг веганы выкарыстоўваюць у сваёй кампаніі за этычнае абыходжанне з жывёламі.
У 2018 годзе ў краіне здзейснілі каля 50 нападаў на крамы, дзе прадаваліся мясныя тавары, не толькі ў Лілі.
