Нацбанк назваў самыя прыбытковыя беларускія банкі за 2018 год
Нацбанк апублікаваў статыстыку па фінансах камерцыйных банкаў за ўвесь 2018 год. Вынікі прааналізаваў фінансавы партал banki24.by.
Агульны прыбытак 24 дзейных банкаў Беларусі склаў за 2018 год 1074 млн беларускіх рублёў. У параўнанні з 2017 годам ён павялічыўся на 24,9%. Як і ў 2017-м, у 2018 годзе сярод дзейных банкаў не знайшлося стратных.
Банк развіцця ў юрыдычным сэнсе не з'яўляецца камерцыйным банкам, а адносіцца да асаблівага тыпу нябанкаўскіх крэдытна-фінансавых арганізацый. За 2018 год прыбытак Банка развіцця дасягнуў 189,3 млн BYN і павялічыўся да 2017 года на 2,8%. Паколькі інфляцыя у 2018 годзе была значна вышэйшай, у рэальным выражэнні прыбытак Банка развіцця ўпаў да 2017 года.
Што тычыцца камерцыйных банкаў, то ў цэлым па сістэме прыбытак істотна вырас у рэальным выражэнні.
Рост прыбытку па адносінах да 2017 года адзначаўся толькі ў 11 банках з 24 дзейных. У гэты спіс увайшлі Беларусбанк, Белінвестбанк, Белаграпрамбанк, МТБанк, БПС-Сбербанк, Банк ВТБ (Беларусь), Банк Дабрабыт, Тэхнабанк, СтатусБанк, БСБ Банк і Абсалютбанк.
Чэмпіёнам па памеры прыбытку за 2018 год чакана стаў Беларусбанк (341,6 млн BYN). Прычына лідарства па прыбытку збольшага тлумачыцца ростам эфектыўнасці работы Беларусбанка, а таксама збольшага яго памерам у параўнанні з іншымі: Беларусбанк мае найбуйнейшыя актывы ў сістэме, з якіх прасцей зарабіць больш прыбытку.
На другім месцы па суме прыбытку апынуўся Прыёрбанк (136,8 млн BYN), на трэцім — БПС-Ашчадбанк (109,4 млн BYN), на чацвёртым — Белгазпрамбанк (100,1 млн BYN), на пятым — МТБанк (71 млн BYN ).
У трох банкаў у 2018 годзе адбылося скарачэнне прыбытку. У сумны топ-3 па падзенні прыбытку ўвайшлі ТК Банк (зніжэнне ў 6,6 разу), Цэптэр Банк (у 5,6 разу) і Парытэтбанк (у 2,1 разу).
