Прэмію імя Міхала Анемпадыстава атрымаў мастак з Санкт-Пецярбурга ФОТА
Старщыня журы Адам Глобус, старшыня ПЭН-цэнтра Таццяна Нядбай і выдавец Ігар Логвінаў, які атрымаў прэмію за Грыгорыя Кацнэльсона, фота Радыё Свабода
Сёння абвесцілі пераможцу прэміі імя Міхала Анемпадыстава
Прэмію атрымаў мастак з Санкт-Пецярбурга Грыгорый Кацнэльсон, які зрабіў вокладку да беларускага перакладу «Віленскага покера» Рычарда Гавяліса. Сябры журы адзначылі ягоную працу за свежы погляд на кніжны дызайн.
Грыгорый Кацнэльсон — мастак, графік, афармляе кнігі ўласнага выдавецтва «Асф-АльтЪ ИЗДАТ», як ілюстратар супрацоўнічае з піцерскім часопісам «ЧИЖ И ЁЖ» ды іншымі выданнямі. Падчас працы над вокладкай да «Віленскага покера» ён стварыў шэсць мастацка-графічных варыянтаў, творы экспанаваліся на фестывалі інтэлектуальнай кнігі «Прадмова».
