У мінскім банку мужчыну памылкова выдалі каля 3 тысяч еўра

Супрацоўнікамі аддзела крымінальнага вышуку адшукваецца мужчына, якому памылкова выдалі буйную суму грошай, паведамляе БелТА.

Невядомаму мужчыну 27 сакавіка ў адным з банкаў памылкова выдалі каля 3 тысяч еўра. Цяпер праваахоўнікі праводзяць праверку, вывучаюць запісы камер відэаназірання. На выгляд мужчыну 40-50 гадоў, рост каля 170-175 см, мажнага целаскладу. Ён быў апрануты ў чырвоную куртку, чорныя штаны. Можа перасоўвацца на аўтамабілі серабрыстага колеру. Інфармацыю пра мужчыну можна паведаміць у Цэнтральнае РУУС Мінска асабіста альбо па тэлефонах: 8 (029) 745-48-93, 8 (017) 288-02-02 або 102. Канфідэнцыяльнасць гарантуецца.

0

0

0

0

0

0