Зʼехаць нельга застацца. Дзе паставім коску? Дыскусія з удзелам Андрэя Дынько ВІДЭАСТРЫМ
Пакінуць усе праблемы дома і шукаць шчасця ў іншай краіне альбо спрабаваць дамагчыся поспеху на радзіме? Гэтае пытанне актуальнае і для тых, хто толькі абірае месца навучання, і для ўчорашніх выпускнікоў універсітэтаў. Якія магчымасці чакаюць беларусаў з замежнымі дыпломамі дома і ў Еўропе? І ці рэалістычна для Беларусі сёння цыркуляцыя розумаў?
Гэтыя пытанні абмяркоўваліся на дыскусіі: «Зʼехаць нельга застацца. Дзе паставім коску?»
Удзельнікі:
— Андрэй Дынько, шэф-рэдактар партала «Наша Ніва», рэдактар часопіса «Наша гісторыя». У 1995 стажыраваўся ў Брусэлі, вярнуўся ў Беларусь.
— Францішак Вячорка, крэатыўны дырэктар беларускай службы «Радыё Свабода», кансультант Агенцтва ЗША па глабальных мэдыя. Скончыў універсітэты ў Польшчы і ЗША, вярнуўся ў Беларусь
— Іван Шыла, саўладальнік кампаніі «Чысты кіт». Вучыўся ў Польшчы, вярнуўся ў Беларусь.
— Арцём Шрайбман, палітычны аглядальнік TUT.BY, у 2018 годзе скончыў магістратуру ў Брытаніі і вярнуўся ў Беларусь.
Мадэратар — Вадзім Мажэйка, аналітык Беларускага інстытуту стратэгічных даследаванняў (BISS).