Даслаць навіну
Знайсці
26.03.2019 / 17:35 24

Дашкевіч: Вам не падабаецца слова «шуняўкі»? Магу называць «шакалы НКВД»

Маладафронтавец Зміцер Дашкевіч быў затрыманы 24 сакавіка ў Кіеўскім скверы ў Мінску пасля выступу на Дзень Волі. Праз двое сутак яго асудзілі па адміністрацыйным артыкуле на 45 базавых велічынь (1150 рублёў) за заклікі да ўдзелу ў акцыі ў Курапатах. Па вызваленні Зміцер Дашкевіч падзяліўся з «НН» сваімі ўражаннямі.

Павялічыць выяву

«Пад’ехаў на святкаванне ў Кіеўскі сквер ненадоўга. Дзеці гуляліся на дзіцячай пляцоўцы. Я думаў, што хвілін пятнаццаць там пабуду і паеду ў Курапаты. А тут падыходзяць два бугаі, ды кажуць: «Прайдзёмце». Ну прайшлі, потым праехалі. Доўга мне не казалі, з якой прычыны мяне затрымалі. Толькі ў Цэнтральным райаддзеле сказалі, што гэта заклік да масавай акцыі. Мне смешна стала.

25 Сакавіка адзначыў вельмі годна на Акрэсціна — з салютам. Ад феерверка трэсліся ўсе сцены. Вельмі дзякую людзям, якія адзначалі Дзень Волі і мяне парадавалі.

Мы можам толькі здагадвацца, за што затрымалі. Яны былі незадаволеныя: чаму ты на нас так, чаму «шуняўкі»? Я кажу: хлопцы, а як вас тады называць? Людзей, якія без формы затрымліваюць людзей? Як называць людзей, якія стаяць ля кабака «Паедзем, паядзім» і крычаць «слава Расіі»? Вас называць «супрацоўнікамі закона»?

Калі вам не падабаюцца «шуняўкі», то сказалі б. Я папрасіў у вас прабачэння. Прыдумаю іншае словазлучэнне. Напрыклад, «шакалы НКВД Шуневіча» буду казаць. Трэба рэчы называць сваімі імёнамі.

Мяне не судзілі 25 Сакавіка, бо ім трэба было перачакаць Дзень Волі. Мабыць, не хацелі даваць 15 сутак і кагосьці злаваць. Я буду абскарджваць прысуд. Тое, што мне напісалі ў пратаколе, — гэта дзіка нават для бяспраўнай беларускай дзяржавы.

Мяне судзіў беларускамоўны суддзя (Іван Касцян — «НН»), бо ў мяне на ўсіх пратаколах запісана: «Не разумею рускай мовы». Яны мне без усякіх хадайніцтваў знайшлі беларускамоўнага суддзю. І ён праглядаў відэа выступу, дзе я казаў, каб тыя, хто могуць, паставілі свечкі ў Курапатах. Ні даты, ні часу я не называў. Якая тут несанкцыянаваная акцыя?

Нядаўна Лукашэнка казаў, каб людзі прыходзілі ў Курапаты, сядзелі на «лаве Клінтана» ды кулялі чарку ў кабаку. Дык гэта таксама несанкцыянаваная акцыя? Парадаксальна.

Праз «НН» хачу падзякаваць супрацоўнікам сілавых структур і асабіста падпалкоўніку Дзімычу, які курыраваў маё затрыманне, бо хто б чуў маю прамову, каб не затрыманне? А так пасланне было пашырана ў дзясяткі і ў сотні разоў. Вельмі ім удзячны за гэта».

Запісаў ЗП

0
Zmicier / адказаць
27.03.2019 / 18:41
Ляксандра, могуць гэта зрабіць людзі у форме, якія па закону абавязаны прадставіцца і назваць свае прозвішча і чын. Моднікі ў цывільным фактычна аніякіх юрыдычных правоў для затрамыння ня маюць. Але вам гэта, упэунены, ўсе роуна)
12
Andre / адказаць
27.03.2019 / 21:52
А Дашкевічу, як заўсёды, патрэбна бойка
0
Дед Мороз / адказаць
28.03.2019 / 01:09
Ляксандра, это рассказывайте тем болельщикам которые приедут (если приедут) на Европейские игры.... как ходить по улицам и о том, что их могут на  N суток их задержать для выяснения личности и т.д. Я бы при продаже билетов изначально бы предупреждал, что в любой момент на 72 часа вас могут НКВД-шные фрики увезти устанавливать личность - по крайней мере это было бы честно по отношению к потенциальным посетителям игр....

вообще в 21 веке - выяснение личности на 72 часа это дикость (тем более в IT стране Беларусь)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
сакавік красавік май
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30