Даслаць навіну
Знайсці
26.03.2019 / 15:41 3

29 сакавіка будзе названы пераможца «Заспявай-5» АЎДЫЯ

На выніковым канцэрце пятага сезону конкурсу маладых выканаўцаў, які праводзяць партал TuzinFM.by і фонд «Вяртанне», можна будзе пачуць жыўцом усіх трох фіналістаў. А ў якасці гасцей выступіць «Eryk i Ja», новы праект лідара гурта TonqiXod Уладзя Лянкевіча.

Павялічыць выяву

Фіналісты сёлетняга конкурсу былі адабраныя з 25 прэтэндэнтаў паводле дэма-запісаў, якія яны зрабілі на вершы сучасных беларускіх паэтаў і жывога праслухоўвання. Яны ўзялі ўдзел у адукацыйнай сесіі, далі канцэрты пры падтрымцы вядомых выканаўцаў і атрымалі магчымасць дарабіць у студыі і прэзентаваць канчатковую версію конкурснай песні.

23-гадовы вакаліст Павал Козіч і 26-гадовы клавішнік Ціхан Букраба разам з струнным трыа запісалі песню «Трамвай» на верш Антона Рудака. 22-гадовая Алеся Друк з электроннага праекту Maximalism выканала песню «Фрагменты» на словы Ганны Комар. А 21-гадовы Раман Волазнеў напісаў музыку да верша Мікіты Найдзёнава «Салёныя сны».

Кожны з фіналістаў сыграе 30-хвілінны сэт на выніковым канцэрце «Заспявай-5», які пройдзе 29 сакавіка ў новым мінскім клубе «Berlin». Пры канцы імпрэзы будзе названы пераможца, які атрымае грашовы прыз у памеры 1500 рублёў на рэалізацыю сваіх далейшых творчых задумаў.

«Хто бы не атрымаў галоўны прыз, ужо цяпер можна сказаць, што кожны з фіналістаў застаўся ў выйгрышы: Maximalism пасябравалі з паэткаю Ганнай Комар і працуюць ужо разам па-за конкурсам. Паўла Козіча і Ціхана Букраба конкурс падштурхнуў да стварэння аўтарскага праекту і яны на ўздыме стварылі яшчэ некалькі кампазіцыяў. Для Рамана Волазнева конкурс стаў нагодай звярнуцца да сучаснай паэзіі і выканаўца збіраецца працягнуць шлях у гэтым кірунку. А ўсе мы па выніку атрымалі тры новыя выдатныя беларускія песні», — кажа прадусар конкурсу Сяргей Будкін. У журы конкурсу сёлета ўвайшлі спявачка і педагог Ірэна Катвіцкая, музыка Алег Хаменка, саўндпрадусар Андрэй Акатаў, кампазітарка і спявачка Наталля Куніцкая, музыка Алесь-Францішак Мышкевіч, кіраўнік фонду «Вяртанне» Павал Бераговіч.

Адмысловымі гасцямі на фінальным канцэрце «Заспявай-5» стане гурт «Eryk i Ja», які заснаваў паэт і спявак Уладзь Лянкевіч (TonqiXod) разам з мультыінструменталістам Эрыкам Арловым-Шымкусам (ili-ili, Harotnica mix, раней Vuraj, Паліна Рэспубліка). Квіткі ў папярэднім продажы па 10—15 руб. можна набыць на Beskassira.by.

0
фелікс / адказаць
26.03.2019 / 19:01
Фрагменты - цікавая песня, але падкачала аранжыроўка, асабліва олдскульны сінтэзатар на фоне. Трамвай - нармалёва, Салёныя сны - крыху лепш.
0
sb1 / адказаць
26.03.2019 / 19:53
фелікс, песьня запісаная наўмысна на вінтажным сынтэзатары
0
sb1 / адказаць
26.03.2019 / 21:42
фелікс, бывае такое, што музыкі наўмысна выкарыстоўваюць вінтажныя інструмэнты. Так і ў гэтым выпадку - асноўная партыя адмыслова была запісаная на японскім вінтажным сынтэзатары.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
сакавік красавік май
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30