Даслаць навіну
Знайсці
25.03.2019 / 13:14 13

Лукашэнка патрабуе ад Качанавай за тыдзень знайсці замену віцэ-прэм'еру Русаму

Павялічыць выяву

Міхаіл Русы

Кіраўнік дзяржавы Аляксандр Лукашэнка даручыў Адміністрацыі прэзідэнта ўнесці прапановы па кандыдатурах на пасаду свайго памочніка па Магілёўскай вобласці і віцэ-прэм'ера [зараз займаюць Генадзь Лаўранкоў і Міхаіл Русы — НН]. Гэтага кіраўнік запатрабаваў падчас наведвання сельгаспрадпрыемства «Газавік-Сіпакова» ў аграгарадку Дабрэйка Шклоўскага раёна, піша БелТА.

Лукашэнка застаўся незадаволены развіццём сельскай гаспадаркі ў Магілёўскай вобласці, якая па паказчыках знаходзіцца на апошніх месцах.

«Цэлы віцэ-прэм'ер, якi загадвае сельскай гаспадаркай, курыруе Магілёўскую вобласць, упаўнаважаны прэзідэнта. Памочнік прэзідэнта зубы праеў на сельскай гаспадарцы і Магілёўскай вобласці. Губернатар самы прасунуты. І вы займаеце апошняе месца. Якую я з гэтага павінен рабіць выснову?» — запытаў кіраўнік дзяржавы.

«Тыдзень часу ўнесці прапановы, бо пойдзеце самі сюды працаваць, — папярэдзіў ён кіраўніка Адміністрацыі прэзідэнта Наталлю Качанаву. — Я вас сюды пасылаў па кадрах — вы разбіраліся ўсю зіму, я вас папярэджваў пра сітуацыю тут. Але сітуацыя не мяняецца. Мне гэтыя абяцанні не патрэбныя».

Аляксандр Лукашэнка нагадаў, што раней адказным службовым асобам даручалася выправіць становішча спраў у сельскай гаспадарцы Магілёўскай вобласці. Аднак бачных вынікаў няма.

«Ім было сказана, у тым ліку і Даманеўскаму (кіраўнік Магілёўскай вобласці Уладзімір Даманеўскі): не будзе выпраўленая сітуацыя на працягу года — будзем прымаць меры.

Таму тыдзень тэрміну, і будзем разбірацца з віцэ-прэм'ерам і памочнікам, раз не змаглі працаваць як трэба», — сказаў ён.

«Гэта недапушчальна, што вы ўвесь час целяпаецеся. Ёсць жа ўзоры добрай працы (вось гэта гаспадарка), чаму няма тады выніку? У вас правал па ўсіх напрамках, пры тым не на паўпрацэнта-працэнт», — канстатаваў кіраўнік дзяржавы.

0
Эхо / адказаць
25.03.2019 / 17:42
Вывод очевиден - хватит сменять, пора сменяться. И не слушать злые языки - "испугался", "дезертир" и проч. Собаки лают, а каравану пора уже идти...
0
Каленец / адказаць
25.03.2019 / 17:59
 А как же без Русого-самого преданного Президенту?
0
меркаванне / адказаць
26.03.2019 / 11:47
Усё гэта нагадвае нейкі спектакль-камедыю па Гогалю. Ну твары дакладна як прапісаныя ў класіка.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
сакавік красавік май
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30