Даслаць навіну
Знайсці
24.03.2019 / 08:55 10

Сёння — юбілей Паўстання Касцюшкі

Паўстанне пачалося 225 гадоў таму, 24 сакавіка 1794 года

Павялічыць выяву

Годам раней адбыўся Другі падзел Рэчы Паспалітай. Расія забрала Цэнтральную Беларусь, а Прусія — заходнія і цэнтральныя землі Польшчы. Таму ўзброены выступ быў супраць расійскай акупацыі і прускай інтэрвенцыі, за аднаўленне Рэчы Паспалітай у межах 1772 года і за ажыццяўленне пастановаў Чатырохгадовага сойма.

24 сакавіка 1794 г. на Рыначнай плошчы Кракава быў зачытаны Акт паўстання, якім Касцюшка абвяшчаўся Найвышэйшым і Адзіным начальнікам узброеных сіл і кіраўніком усяго паўстання.

Перад гэтым Касцюшка ваяваў у Амерыцы за незалежнасць, а таксама вызначыўся ў бітвах 1792 года пад Зяленцамі і Дубенкай, дзе спыніў корпус генерала Кахоўскага.

Згодна з адозвай стваралася Найвышэйшая народная рада, а 7 мая Касцюшка выдаў Паланецкі ўніверсал, якім давалася асабістая свабода сялянам. Звяртаўся Касцюшка да праваслаўнага духавенства і да сялянаў

Першыя тыдні паўстанцы мелі поспехі, але затым Кацярына ІІ замірылася з Турцыяй, што дазволіла перакінуць з паўднёвых межаў корпус Аляксандра Суворава.

Спачатку была захоплена Вільня, а пасля пала Варшава. Дарэчы, Варшаву Сувораў узяў з другога заходу, выразаўшы ў прадмесці Прага 20 тысяч чалавек. Некалькімі тыднямі раней Касцюшка трапіў у палон.

За паспяховае падаўленне паўстання А. Сувораў атрымаў ва ўзнагароду ва ўласнасць з Берасцейскай эканоміі 13 тыс. 279 прыгонных сялян (мужчын і жанчын). А яго імя, парадокс, носіць вучэльня ў Мінску.

Рэч Паспалітая была канчаткова падзелена.

Дарэчы артыкул пра Тадэвуша Касцюшку — «Герой двух кантынентаў, але не шчаслівы чалавек» — адкрывае новы нумар «Нашай гісторыі»

З юбілеем, чытачы!

2
ooo / адказаць
24.03.2019 / 17:50
Kenny, ганьба табе.
0
litvin Babrujskaha pavietu / адказаць
24.03.2019 / 22:35
Воўка з Гародні,  Наш  Касьцюшка , наш.  Сапраўды ён ня быў тады героем Беларусі(у тыя часы яе ня існавала). Ён быў літвінам - героем Вялікай Літвы. А тое , што палякі зрабілі "сваім" героем - не бяда. Французы з амэрыканцамі таксама лічаць Касьцюшку сваім героем. І што?..."... разам пойдзем да Касьцюшкі - рубаць будзем  мас....люшкі", гэткі  заклік маглі  вымавіць  толькі літвіны!     Пан Воўка, седзячы толькі ў Гародні, можа сапраўды падасца, што вакол насамрэч адныя  "польскія шавіністы". Наведайце іншыя землі і адчуеце іншае "сьветаўспрыманьне".
0
Воўка з Гародні / адказаць
25.03.2019 / 12:47
litvin Babrujskaha pavietu, Косцюшко  такі наш , як і Юзеф Пілсуцкі  - абое нашы землякі , але дзеячы і патрыёты Рэчы Паспалітай . Прызнайце гэта і супакойцеся .
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
сакавік красавік май
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30