Бельгія перамагла Расію, Польшча — Аўстрыю, а Казахстан разграміў Шатландыю — пяць цікавых вынікаў першага дня
Новая зорка польскага футболу — фенаменальны Кшыштаф Пёнтэк, ён гуляе за «Мілан» і забіў у гэтым сезоне ў Серыі А 19 мячоў, столькі ж у Крышціяну Раналду, pzpn.pl
Учора стартаваў адборачны турнір да Еўра-2020 не толькі ў беларускай групе.
Ці не самы нечаканы вынік зафіксаваны, відаць, ужо ў горадзе Нурсултан (але на арэне «Астана»). Зборная Казахстана разграміла Шатландыю з лікам 3:0.
Што да суседзяў: Расія прайграла ў гасцях бронзаваму прызёру Бельгіі — 1:3 (дубль у Эдэна Азара).
Польшча ў гасцях перамагла Аўстрыю 1:0. «Вена здабытая!» — праводзяць гістарычныя паралелі СМІ суседзяў.
Гол на рахунку аднаго з найлепшых бамбардзіраў італьянскай Серыі А Кшыштафа Пёнтэка.
Латвія прайграла Паўночнай Македоніі 1:3.
Яшчэ пару цікавых пар: Харватыя мінімальна перамагла Азербайджан 2:1, а ў цэнтральнаеўрапейскім дэрбі Славакія перамагла Венгрыю 2:0.
Без шанцаў: Беларусь разгромна прайграла Нідэрландам з лікам 0:4
Нагадаем, што зборная Паўночнай Ірландыі абыграла Эстонію 2:0. З ірландцамі беларусам гуляць 24 сакавіка ў Белфасце.
Сёння будзе згуляна сем матчаў, у тым ліку Партугалія — Украіна.