Чарговы фэйк пра Аляксандра Лукашэнку запусціў расійскі праваслаўны тэлеканал
Ні многа ні мала «Лукашенко готовит побег», — навіна пад такім загалоўкам з'явілася на расійскім тэлеканале «Царьград».
Са спасылкай на малавядомую інтэрнэт-суполку тэлеканал паведамляе, што нібыта «Служба бяспекі кіраўніка дзяржавы атрымала загад распрацаваць маршруты эвакуацыі беларускага лідара ў арабскія краіны». Вядома, ніякіх пацвярджэнняў інфармацыі няма. Тым не менш тую ж інфармацыю распаўсюдзілі дзясяткі іншых расійскіх сайтаў.
Папярэдняя хваля фэйкаў пра адстаўку Лукашэнкі прайшла па тых жа расійскіх рэсурсах усяго тыдзень таму.
«Царьград ТВ» — расійскі інфармацыйна-аналітычны тэлеканал, заснаваны расейскім бізнэсоўцам Канстанцінам Малафеевым у 2014 годзе. Малафееў быў адным з каналаў фінансавання падзей у Крыме і на Данбасе. «Царьград ТВ» выступае з ультранацыяналістычных пазіцый, выступае за аднаўленне Расійскай Імперыі, бічуе апазіцыю Пуціну і транслюе інтэрпрэтацыі падзей, выгадныя Крамлю.