Даслаць навіну
Знайсці
20.03.2019 / 12:12 24

Як будуць выглядаць новыя цягнікі для мінскага метро ФОТЫ

Павялічыць выяву

20 сакавіка на заводзе швейцарскай кампаніі Stadler у Фаніпалі прадставілі першы цягнік для мінскага метро. Футурыстычны дызайн, аўтаматыка, модульныя вагоны і міжвагонныя праходы, гукапаглынальныя матэрыялы — ужо 1 красавіка першы цягнік прыбудзе ў дэпо «Магілёўская», каб прайсці шэраг неабходных тэстаў і выпрабаванняў, піша Еўрарадыё.

Інжынеры кампаніі намагаліся падкрэсліць высокі тэхналагічны ўзровень навінкі і распрацаваць дызайн, які б адразу асацыяваўся з Мінскам і сталічным метрапалітэнам. Колеры «падглядзелі» на гербе сталіцы — блакітны, белы і чырвоны актыўна выкарыстоўваюцца ў элементах новых саставаў.

Уваходныя пляцоўкі вагонаў зрабілі максімальна прасторнымі. Каля дзвярэй жоўтай фарбай абазначана магчымая небяспечная зона. Усе цягнікі маюць у сваёй канструкцыі гукапаглынальныя матэрыялы.

Упершыню ў сталічным метрапалітэне з’явяцца саставы з сучлененымі вагонамі. Цяпер пасажыры могуць перамяшчацца па ўсім цягніку праз шырокія міжвагонныя праходы.

Павялічыць выяву

Для людзей з абмежаванымі магчымасцямі у галаўных вагонах будзе спецыяльная зона для камфортнай перавозкі інвалідаў-калясачнікаў. Перасоўвацца па саставе на вазку таксама будзе магчыма — шырыня праходаў паміж вагонамі гэта дазваляе.

Дзеля зніжэння расходу электраэнергіі і больш пільнага выканання графіку кожны новы цягнік мае «на борце» сістэму аўтакіравання. Яна падказвае машыністу неабходную хуткасць і можа аўтаматычна спыняцца на станцыях. Што праўда, працаваць гэта будзе толькі на станцыях з адмыслова ўсталяванымі бар’ерамі.

Павялічыць выяву

І яшчэ адна «разынка» — зарадзіць свой тэлефон ці планшэт можна будзе ў кожным вагоне. Таксама ўсе саставы маюць кандыцыянеры.

Павялічыць выяву

Павялічыць выяву

Замову на выраб новых саставаў цягнікоў для метрапалітэна Stadler атрымаў у студзені 2017 года. Кантракт падпісаны на пастаўку 10 цягнікоў: 6 чатырохвагонных і 4 пяцівагонных. Ужо ў гэтым годзе плануецца паставіць шэсць саставаў, а апошнія чатыры — у 2020 годзе.

Павялічыць выяву

Фота Рамана Пратасевіча, Еўрарадыё

3
ЯНКА / адказаць
20.03.2019 / 22:48
★ Максім Дызайнер (16:09), ня трэба быць вялікім баршчаварам-дызайнерам, каб бачыць рэжучыя вока падабенствы. Да прыкладу, навошта было маляваць чырвоныя пасы наперадзе «паравоза» — каб было як у Маскве? То ж бо й яно. Далей, такі ж самы блакітна-сіні колер крэсел, яны нават падымаюцца аднолькава! ★ Вы яшчэ паглядзіце шкляны купал на Манежцы — рыхтык як на нашым пляцы Незалежнасьці, «мінскі Палац спорту» на тутэйшым ВДНГ і «Браму Мінска» на пляцы Гагарына. А то адчуваньне, што пабывалі толькі ў маўзалеі, і Ільіч кусануў вас у шыю... ★
2
Элтон Макс / адказаць
21.03.2019 / 01:54
По внутреннему салону не понятно а по тому что понятно не впечатляет.

Внешний дизайн вагонов как и внутренний - совковый - ни чем не отличается почти от нынешних вагонов только что блеском. Покрасили под туже самую скудную копирку что и нынешние вагоны и прямо в тех же тонах. 

Если бы такой дизайн сделали лет 20-30 назад  это было бы круто, а сегодня такой дизайн и такая советская покраска это прошлый век. 

Еще интересно сколько стоит сделать такой состав по цене и в каких размахах измеряются откаты при подобных сделках.
1
Максим Дизайнер / адказаць
21.03.2019 / 16:12
ЯНКА,

А в какой цвет они еще долждны были покрасить вагоны?Или теперь нужно забыть про красный, синий и белый цвета, потому что это цвета российского флага?Герб Москвы тоже красно-синий. Минский такой же. Геральдистам виднее, какого цвета он должен быть.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30