Знайсці
16.03.2019 / 13:043РусŁacБел

Перакуліўся пры абгоне: жудаснае здарэнне ў Віцебскай вобласці

Фота ДАІ Віцебскай вобласці

Аварыя адбылася сёння раніцай у Гарадоцкім раёне на 16 км аб'язной аўтадарогі мяжа РФ — Віцебск — Гомель — мяжа Украіны, паведамілі БЕЛТА ў ДАІ Віцебскай вобласці. Кіроўца аўтамабіля Nissan Primera не справіўся з кіраваннем і ўрэзаўся металічную адбойную агароджу. «Пасля гэтага аўто перакулілася на дах. У выніку ДТЗ загінулі на месцы кіроўца 1976 года нараджэння і пасажыр 1968 года нараджэння», — паінфармавалі ў ДАІ.

У машыне ехалі яшчэ двое пасажыраў. Пасля агляду медыкаў 67-гадовы мужчына дастаўлены ў бальніцу, другі — 39-гадовы мужчына — не пацярпеў.

Паводле слоў аднаго з пасажыраў, ДТЗ адбылося ў момант абгону спадарожнага аўтамабіля. Хуткую дапамогу і ДАІ выклікалі відавочцы ДТЗ. Вядзецца праверка.

Фота ДАІ Віцебскай вобласці

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера