Найбольш людзей на вялікіх выходных з'ездзілі па маршруце Мінск — Брэст — Мінск
З 7 па 10 сакавіка цягнікамі з нумараванымі месцамі Белчыгунка перавезла больш 207 тысяч чалавек.
З іх цягнікамі міжрэгіянальных ліній і рэгіянальных ліній бізнэс-класа — 140 тыс. пасажыраў, цягнікамі міжнародных ліній - 67 тыс. Цягнікамі з ненумераванымі месцамі перавезена больш за 530 тыс. пасажыраў.
Максімальны пасажырапаток назіраўся 7 сакавіка і ў нядзелю 10 сакавіка. У гэтыя дні было перавезена каля 420 тысяч чалавек, паведамляе прэс-служба Белчыгункі.
З Мінска ў Гомель і назад перавезена больш за 14 тысяч пасажыраў, па маршруце Мінск — Брэст — Мінск каля 14,5 тысяч пасажыраў, Мінск — Віцебск — Мінск — 7,5 тысяч пасажыраў.
У міжнародных зносінах асаблівай папулярнасцю карысталіся цягніка да Масквы, Санкт-Пецярбурга і Вільні.
У Маскву адправіліся ў падарожжа 11 тысяч пасажыраў, у Вільню — 2,3 тысячы.
