Знайсці
12.03.2019 / 18:504РусŁacБел

У Брэсце аштрафавалі мужчыну, які прынёс кветкі і фоты вязняў гета на месца масавага расстрэлу

Берасцейца Віталя Казака аштрафавалі на 20 базавых велічынь (510 рублёў) пасля акцыі, якую ён правёў вечарам 11 сакавіка каля будпляцоўкі элітнага квартала. Усклаў кветкі і прымацаваў таблічкі ён каля 7-ай вечара, а праз некалькі гадзін там жа яго затрымала міліцыя — ён застаўся «дзяжурыць» і засняў, калі кветкі і фатаграфіі пачалі прыбіраць, паведамляе «Брестская газета».

Па словах Казака, яго прывезлі ў Ленінскі РАУС і склалі пратакол. Паводле яго, Казак «размясціў на дрэвах інфармацыйныя матэрыялы нерэкламнага характару» і тым самым парушыў правілы добраўпарадкавання і ўтрымання населеных пунктаў (артыкул 21.14 КаАП РБ). На падставе часткі 2 гэтага артыкула яго аштрафавалі на 20 базавых.

«Я катэгарычна не згодны з пратаколам. Так, я размяшчаў каля плота кветкі і памятныя пліты з фотаздымкамі, але нічога не парушаў. Ужо сёння добрыя людзі мне падказалі, што раз я не згодны, у РАУС не мелі права мяне штрафаваць, яны павінны былі адправіць матэрыялы ў суд», — распавёў раніцай 12 сакавіка Казак.

Паводле яго слоў, кветкі і лампадкі яшчэ ўчора ўвечары перанеслі да помніка ахвярам Брэсцкага гета. Дзе знаходзяцца фатаграфіі, ён не ведае.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера