Знайсці
12.03.2019 / 18:3021РусŁacБел

Гаварылі Бабічу праўду? Дзмітрыеў і Караткевіч сустрэліся з паслом Расіі

Кіраўнікі кампаніі «Гавары праўду» Андрэй Дзмітрыеў і Таццяна Караткевіч правялі 1,5-гадзінную сустрэчу з паслом Расіі Міхаілам Бабічам. Сустрэча адбывалася па прапанове кіраўніцтва «Гавары праўду».

Андрэй Дзмітрыеў, Міхаіл Бабіч, Таццяна Караткевіч. Фота з facebook.com.

Андрэй Дзмітрыеў кажа, што яны сустракаюцца з пасламі розных краін, у гэтым шэрагу адбылося спатканне і з прадстаўніком Расіі. Дзмітрыеў кажа, што важным з’яўляецца той фактар, каб дыялог ішоў не толькі з прадстаўнікамі ўлады, але сваё меркаванне маглі выказваць і прадстаўнікі грамадзянскай супольнасці.

Па словах спадара Дзмітрыева, гаворка вялася пра эканамічнае супрацоўніцтва між нашымі краінамі, будучыню саюзнай дзяржавы, спробы Беларусі палепшыць адносіны з Еўрасаюзам і ЗША.

Важнай часткай размовы стала пытанне незалежнасці Беларусі. Кіраўнікі «Гавары праўду» данеслі, што ў Беларусі негатыўна ўспрымаюцца любыя нападкі на суверэнітэт краіны. Пасол Бабіч запэўніў, што гаворка не вядзецца пра паглынанне Беларусі.

Андрэй Дзмітрыеў запэўніў, што яны не шукалі падтрымкі ў расійскім пасольстве. «Наша мэта — данесці сваю пазіцыю, а таксама лепш разумець пазіцыю суразмоўцаў», — запэўніў Дзмітрыеў.

ЗП

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера